شاعر واوراق " شعر " مشققه !!

ابرقت وامطرت من فوق راسي " رشاش " .. قلت : ابنثر حروف " الشعر " وارشها !!



تعبت اتعب وضاق الضيق من ضيقي وانا مشتاق !!

.. .. .. .. .. .. مصيبه والمصايب وقتها واحد " ليا " حانت . .


تعبت ارحل عن وجيه ٍ تعانق " طيحتي " بـ عناق !!

.. .. .. .. .. .. اقول " الوقت " علمني واردد يا زمن هانت . .


تبا تبطون ياللي " طيحتي " هي مجمل الارزاق !!

.. .. .. .. .. .. يزين الوضع " وإليا " زان اقول بخاطري زانت . .


انا اكبر من تخاريف " المحبه " والزمن فراق !!

.. .. .. .. .. .. انا اخر من يخون بـ وقت كل الناس به خانت . .


اشوف الليل واتأمل واحاتي لحضة الاشراق !!

.. .. .. .. .. .. وانا ادري شعلة الظلمه اببطي عظم ما بانت . .


..

..


كنت اجي واروح في صمت وسكون

.. .. .. .. .. .. احسبك " حب " و علامه فارقه !!

كنت احسب الحب احساس وجنون

.. .. .. .. .. .. لين غابت شمس " كانت " شارقه

..

..

كنت " وافي " بس هالعالم تخون

.. .. .. .. .. .. كنت " صادق " بس محد ٍ صدقه

رحت ودموعي على طرف العيون !!

.. .. .. .. .. .. شاعر ٍ !! واوراق شعر مشققه !!



.. \\ // \\ // \\ // \\ // \\ // \\ // \\ // \\ // \\ // \\ // ..


اقطف زهور عمرك واترك المستحيل ,,

.. .. .. .. .. عيش باقي سنينك واترك اللي ورا



ما تشيل الحبايب غير هم ٍ ثقيل ,,

.. .. .. .. .. اترك العاشق اللي ودعك ما درا



يذكر ايام مرت له ووقت ٍ جميل ,,

.. .. .. .. .. ويدفن ابيات شعر ٍ شقها ما قرا



حده الصمت للذكرى وقلبه عليل ,,

.. .. .. .. .. اعتنز بالنجوم وقام فوق الثرا



سالت دموع عينه وانتهض للرحيل ,,

.. .. .. .. .. قال ابنسى ووجه للظلام وسرا

الموضوع الأصلي: شاعر واوراق " شعر " مشققه !! || الكاتب: " فهد الجبلي " || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

..