جيتك اسابق خلق ربي على العيد = عيدك سعيد وكل عامً تعيده
جيتك ارش الدرب عطر وزغاريد = وانفاس هيلاُ والفرح من قصيده
وجيتك زهر والالوان ، طيف وعناقيد = وورود في يديني وباقه جديده
جيتك وجن سنين عمري مواليد = ماكني الا طيور قنصً هديده
حجم المكان ، وهيبته والتقاليد = وبنت الشيوخ مناصرين العقيده
صاحت بعالي الصوت رغم التناهيد = ورغم الحيا ، ورغم الظروف الشديده
كل عام وانت بخير وبخير وسعيد = وينعاد عيــدك ، عاد هالعيد عيده
وكل عام وانتي بخير ياباشة الغيد = يالي وصوفك بالبشر هي بعيـــده
أنزاح صبرً مثل روس الجلاميد = صوم وقيامً، في حسابك رصيده
والله يتقبل منك ماراح ويزيد = اجر ومثوبه فـ رمضانٍ يزيده
كل عام وانت بخـير ، وبخير وسعيد = وعيدك سعيد وكل عامً تعيــده

الموضوع الأصلي: عيدكم سعيـد || الكاتب: فارس الجبلي || المصدر: منتدى الجبلان الرسمي

المصدر: ::منتدى الجبلان الرسمي::