دمعه تعالي..........................؟؟

رديه بين فلاح العراك وصحن بن قويعاان


منها البيت المعروووف


مل قلـب فيـه دقـات تشيلـه
مثل دقه عود عبـد الله فضالـه


حبيت اذكرهاا لعيووون دمعه
>>تعرفهاا تحب القصيد







قصيده فلاح العراك المطيري

راكب اللي زاهي لونه موديلـه
وارد بأسم الوكيل من الوكالـه

جمس يقطع مجرهدّ القاع ويلـه
مشترينه نقد ، ماهـو بالكفالـه

سايقه لو يسري ابظلمـه دليلـه
عارف(ن) يمة جنوبه من شماله

نصّها اللي عملته تبغي عميلـه
في جميع المملكه ماش ٍ ريالـه

ياصحن ، من له رفيق يشتكي له
والخبر واصلك في بطن الرساله

مل قلـب فيـه دقـات تشيلـه
مثل دقه عود عبـد الله فضالـه

من سبايب ورعةٍ جتني طويلـه
يا صحن وافقتها عنـد البقالـه

صوبت قلبي ولا بيـديّ حيلـه
والخطيه عندها مثـل الجمالـه

أن تبعناها مع الشـارع فشيلـه
وأن فعلنا، (فوقنا حكم العدالـه)








رد عليه صحن بن قويعان المطيري ؟



مرحباً وعداد مـا تنشـي المخيلـه
وعـد بـراق تنثـر مـن خيـالـه

يوم جانـي خـط كسـاب النفيلـه
كني اللـي شايفـن غالـي عيالـه

حاضـر لرسالتـك لوهـي ثقيلـه
مير صارت من فضل ربي سهالـه

أبو راجح عاشق مـن غيـر جيلـه
جاه من رده علـى سـن الجهالـه

يافلاح العشـق مـا يرحـم قتيلـه
واجد اللي فيه يشكي ما جرى لـه

أنشد اللـي شايـف عدلـه وميلـه
قد عرف عدل الصحيح من العدالـه

وش تبي بالسوق يوم أنك تجي لـه
من طمع بالبـوق لا يأمـن نكالـه

ولا تفيـدك فزعتـي بأيـة وسيلـه
دام راعي المال ما أرخص حر ماله

لا تكاثر من خطـا شقـرا جديلـه
قبلك الهزان وقته ما صفى لـه

حولنّـه بالركيـه طــول ليـلـه
وكل فرض قام يطلـع مـن حبالـه

والهوى بلشاتـه أكثـر مـن قبيلـه
من ضرب سوق الهوى يبلش بحاله

الهوى لي وقت أنا داعـي سبيلـه
معطي المطنوخ منـي لـه حوالـه

وأحمد الله يوم جا الهاتف حصيلـه
قد طويت أرشاي وأدرجت المحاله

الموضوع الأصلي: دمعه تعالي..........................؟؟ || الكاتب: * جمرة مطير * || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::