لو كان دمع العين يكسبني رضاك
بكيت لجل أرضيك وأتعبت عيني
لكن حشا ماينفع الدمع ويــــــــاك
ولا مـعـك يــفـيـد زايــد ونـيــنــي
زودن على سهوم المقادير فرقاك
أسهرت عيني والعـرب نايمــينــي
أسهرت عيني من خيالك ونجواك
حسب على من حال بينك وبيني
لاتـستـمـع للي عـن الـحـق ينهاك
والله أحـبـك والـعـرب خابرينـي
والله أحـبـك وأتـمنــاك وأهــــواك
مـتـى وقـلـبـك ياحـبـيـبـي يـليني
شف وش جرا في حالتي من سوياك
مغير أصفق في يساري يميني
بـس أنـت يالـمجمول والـباقي أهناك
خـل الـعنـاد وبث الـمـال فـينـي
قبل أنتكس ياقاسـي الـقلـب وأنـسـاك
وأشوف غيرك بالعذارى خديني
ذبــحـتـنـي لارحـم أبـو مــن تـرجـاك
ولا رحم قلبن في هواك يحديني
الله عليك يالهيت يالغالي
صح السانك 00صح السانك
ولاهنت قصيده مميزه منفرده بجمالها وسلاستها وتسلسلها العجيب
ماشالله عليكم وعسى الله يحرسكم من العين ويبارك فيكم ياشعار العراقبه الفحول
تحياتي
اخوك المحب
بن معرقب
|