مناسبة القصيده
كنت بحاجة فزعت اخوي الشاعر مصعب ابن خلف الجبلي
ولما اتصلت عليه لم اجد منه الردعلى جواله وارسلت له رساله بطلب الفزعا
ولم اعلم انه بالخارج الا من هذهي الابيات
انا الصديق الي لا طحت شالك = لا ضامتك دنياك والوقت بك مال
انا يمينك شـــدني في شمـــالك = يمنى بلا يســــرى ترا حالها حال
انا عزاك وعزوتك لا جرا لـك = من تاعس الدنيا هواجيس واهوال
ماني من الي لاغتنى ما وفالك = لو لك عليه من الجمايل والافضال
(ماني خويك كان وقتك صفالك = انا خويك لا دبرت فيك الاحـــوال)
خذني عصا موسى اذا كنت هالك = امسح لك بحور القهر قول وافعال
بالك يجي في خاطرك يوم بالك = انك تغيب ولا تجي لي على بال
(لا..لا..تفكر انت في مثل ذالك = اني اتخلى عنك لو الزمن طال)
ما قول انا ياعم مالي ومالك = ماترخص العشره ولا تغني اموال
اسمع جوابي قبل ماسمع سؤالك = خارج حدود التغطيه وارسل ارسال
انا ليا شح الزمن في وصالك = تمدني النخووووه على وصلك حبال
انا عمي عين العدو لا نوى لك = أنول روحه قبل ماروحك تنال
بينك وبين الشمس شجرة ظلالك = ما للشجر قيمه اذا ماله ظلال
والليل لو اليل مظلم وحالك = ترسمني الظلمه على صدره ظلال
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|