عز القصيد وزاعلتني حروفه
من يوم غاب اللي قصيدي مهاويه
غابت به الدنيا وخلت طيوفه
عزي لمن مثلي زمانه يعاديه
عقب الملاقى بس بالقلب اشوفه وعقب المناجى بس بالفكر اناجيه
كلامي وشوفي لغيره حسوفه
من غيره يخاوي غريبي واخاويه
يالوعه المشتاق تصفق كفوفه
يوم التفت ماشاف بالدار غاليه
كن العيون بكل شين محذوفه
والقلب كن جموع الايام ترميه
تسابقتني من زماني سيوفه
تجرح مرادي في حياتي وترميه
ياعونه الرحمن وين النكوفه
الى انتحى الخفاق وش عاد يثنيه
مارحت ادور عند خلي مروفه
مايرحم الا الله فلا شك مغليه
|