لا هنتو ,,

مساكم الله بالرضاء والعافيه,,

حبيبي لا تعذر والجروح اسبابها الاعذار=وأنا ادري مايطيب الحب غير بكثرة ذنوبه
ياليت الجرح مابيح نزيفه باقي الاسرار=ياليته كان ذنب بدون عذر وتغفره توبه
انا اللي ماخذا منك القصاص ولا طلب له ثار=على كثر الحقوق اللي تمنى أقول مطلوبه
اهلي بالمواجع كل ما انساقت من الاقدار= واقول يحلها اللي حطها للقلب مكتوبه
حطبت ضلوعي وشبيت ضوك ياعذاب النار=وانا استر كل هم وكل هم ضاق به ثوبه
تذكر كيف سيلت المشاعر وفي هواك انهار=عطيتك للفرح صحوه وللاحزان غيبوبه
عطيتك وقتي ورحت اترقب قاصف الاعمار=وانا سنيني في عمري نثرته فيك محسوبه
حبيبي وان بغيت الصدق يشفي من الهوى لاجار=حبيبي وان بغيت الكذب كل انملك محبوبه
دخيلك لاتعذر والليالي خلها تندار= يبين النور والا ياعساه يطول غروبه