للعيد
فرحه / في عيون الناس وعيوني تزيد = فرحة عيوني / عيدها بشوفك على طول العمر
العيد عاد / وعادته تفرح به العالم عديد = وانا / معيد من قبل هالعيـد واعياد الفطـر
العيد عاد / وعادته نلبس له الثوب الجديد = وانا توشحت الغلا بثياب عيدك من دهر
ينعاد عيدك / بالغلا ، والشوق والعز التليد = ينعاد عيدك بالفرح والحب وشموخ الفخـر
جيتك اسابق فرحتي ، بالعيد واحساس القصيد= جيتك اسابق خطوتي واسبق بها كل البـشـر
جيتك مع صدر السما جاهم مع الغيمه بعيد = جمهت غر/ ونيتي اجيك بأحساس المطــر
جيتك مثل (نقع ) الندى / ينعش بها روح الجريد = جيتك ورودٍ يانعه وانفاسها انفاس العطر
جيتك عناقيد الغلا / واقطف حبيبي ماتريد = جيتك واجدد بالولا ياباشة الغيد وامر
تبي الصراحه بالحكي ، ياغاية القلب الوحيد = من عقب شوفك ياهواء بالي وعيدي قد حضر
العيد عادي في نظر عيني / ياعيني لو يعيد = عادي لان العيد في عمري وجودك يالعمر