للعيد فرحه / في عيون الناس وعيونـي تزيـد
فرحة عيوني / عيدها بشوفك على طول العمر
العيد عاد / وعادته تفـرح بـه العالـم عديـد
وانا / معيد من قبـل هالعيـد واعيـاد الفطـر
العيد عاد / وعادته نلبس لـه الثـوب الجديـد
وانا توشحت الغلا بثيـاب عيـدك مـن دهـر
ينعاد عيدك / بالغلا ، والشـوق والعـز التليـد
ينعاد عيدك بالفرح والحـب وشمـوخ الفخـر
جيتك اسابق فرحتي ، بالعيد واحساس القصيـد
جيتك اسابق خطوتي واسبق بهـا كـل البشـر
جيتك مع صدر السما جاهم مـع الغيمـه بعيـد
جمهت غر/ ونيتـي اجيـك بأحسـاس المطـر
جيتك مثل (نقع ) الندى / ينعش بها روح الجريد
جيتك ورودٍ يانعـه وانفاسهـا انفـاس العطـر
جيتك عناقيد الغلا / واقطـف حبيبـي ماتريـد
جيتـك واجـدد بالـولا ياباشـة الغيـد وامـر
تبي الصراحه بالحكي ، ياغاية القلـب الوحيـد
من عقب شوفك ياهواء بالي وعيدي قد حضـر
العيد عادي في نظر عيني / ياعيني لـو يعيـد
عادي لان العيد في عمـري وجـودك يالعمـر
لا هنت اخوي فارس على القصيده الجزله من شاعر جزل ..
بانظار الجديد من قصائدك الجميله ...
تقبل مروري ...
|