وحشتــــني شوفة أصحابي وربعي والغلا مستور
أخبي عبرتي لامن ذكرت بيوم جمعتنا
تغير قولتي {أبله} وصرنا نقول يا "دكتور"
نقول القاعه يا دنيا زمان نقول لفصلنا
جلست بداخل القاعه ذكرت أيامنا بالدور
وضحكن كان يحوينا ولا تكفي شطانتنا
نزعل بعضنا أحيان ولكن ما نعرف نجور
ونرجع من بعد زعله ترجعنا صداقتنا
نحاتي بعضنا دايم ويعجبنا رجل مشهور
سوالفنا عن الموضه عن الحب وعلاقتنا
وهذا اليوم قد صار كورس راح معاها شهور
وأفكر كيف هالدنيا خذت منا وناستنا
أنا مابين ناس أغراب وسط قاعه مع الدكتور
أحاول أخنق العبره وأنا اذكر كل حكايتنا
سمعت أغنيتن جابت من أقصايا بقايا شعور
يغنيها علي محمد وهي "عيــــال حــــارتنا"
رجا فيها يا دنيا ألا ليت الزمان يدور
ويرجع وقتنا الأول وننعم في بساطتنا
وأنا رديت في بيتن من الخافق ولا مكسور
أضحي بالعمر كله لجل ساعه بشلتنا
وأبيع الناس والعالم ومستقبل وراه قبور
وكلن راح يمشي له طريق يقول: عيشتنا
أنا مابي سوى لحظه وعلى الفرقا أنا مجبور
نضيق اليوم من يقدر يبدل وضع ضيقتنا
ظلامن دامس موحش أنادي فالخفا يانور
أبي ربعن ليا من طحت عرفت شلون قيمتها
بساطه في فرح دايم غلا صادق وله وسرور
نخطط كيف بالكذبه نضيعها دراستنا
تخرجنا نعم أدري وكلن داخله مقهور
فرح لكن مع الفرحه دموع تضم حفلتنا
بكينا والبكى فينا ولا لحظه أبد مجهور
دموعن حرفها صادق وتعرف كيف وحشتنا
تعرفنا على ناسن جديده والغلا مستور
ولا أحدن يوصل لحبن جمعنا وسط شلتنا
.................................................. .....................


(ليتني الحين معاكم)