الغريب اللي مفارق له وطن مثل الكويـت
مو غريبة لو سهر ليله وكل علـة تعلـه
الغريبة ليل غربة لاني حي ولانـي ميـت
بين ربعي والقرايب دمعي عيني دوم أهله
مابكت عيني لذنب(ن) اقترفتـه وابتليـت
لا ولا فرقى هنوف(ن) والهوى واللي يتله
عاذلي سود الليالي زابنتنـي وان مسيـت
امسي بضيقة صدر واللي يزيد الطين بلـه
عادني باول شبابي شاب راسي بقول بيت
قاله اللي باخص(ن) سر الحيا دقه وجلـه
قال ابوي الوقت هذا زيـن لامنـك لقيـت
صاحب(ن) يحفظ مودة صاحبه مايستغلـه
للسؤال عقول تسترضى وانا بعقلي رضيت
المصيبه بالسؤال اللي عجز عقلـي يحلـه
لو هقيت اني وانا ساهي على ظله وطيـت
والله اني لعتذر منـه واقبـل راس ظلـه
قله يابندر* تراني من بعد ضيـه طفيـت
لايعجل في عذابي طالبـك ياخـوي قلـه


ابن سمدان