الزلامي كيف رمح الهواء صابه=والهواء ماصابنا من على اولنا
ياهل البيت الخضر سكروا بابه=سكروا بيبانكم ياعرب عنـا؟؟؟
وامسكوا ورع الهواء اللي بلشنابه=كل ماجينا من الزّام قابلنا
هز رمش العين والا ضحك نابـه=ضحكته منها النجوم يتهاونــا
امسكوه ببيتكم قبل نبلابـه=وان طلع لأ تامنون العتب منــــا
لايكلمني ولايطلع الجابــه=لو صباح الخير كنه يلعنــــــــا
مايخاف الله ولايرحم اصحابـه=جاهل بعيونه السود يفتنـــــــا
اتمنى حرب مدفع ودبـابـه=والعيون السود عني يصـــــدنـــا
بس يأهل الطفل متنا من اسبابه=مايرد الموت لأنتم ولاحنـــا
ورعكم يلعب ودنياه لعـــــابه=مادرى انّّا قد لعبنا وهونـــا
مالقينا في طريق الهواء ثابه=(زتّّنا) في بحر الأهوال واهملنا
الهواء عله ولاتوجد اطبابه=دائما راعيه مفتون ومعنــــــا
ودنا بيت الهواء نقطع اطنابه=ونطلب الوالي عسى العفو يشملنا

الموضوع الأصلي: ( الشاعر رشيد الزلامي ) || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::