الناس للمربى يقولون قتال=كذبة فيه وصدقولي اعيالي
عافو جبل حايل لهم في وظلا=لوالماء الياشربو قراح زلالي
راحو لدار عجها يشدة البال=حديثة بينت بروس المفالي
فيها مرض ماهو مرض جلد سلال=وجرح بصندوق المعاليق كالي
قيصومتن حره الياجاء اشهب اللال=ينجض سنى فوحة اجنوب الجمالي
ماها من ابن حميد والصاع بريال=ولولا الحكومة تدفعه قلت غالي
واللي يبي يكسر من البن فنجال=عليه مايصلح يجيب السهالي
والخبز مايلقى على كل ابوحال=تخيروها عن عروس الشمالي
حايل مدينة حاتم الطي يارجال=كد عاش بين مشمرخات الجبالي
رجلن ذبح فيها جواده ولا سال=بالضيف بارضه يوم عسر اليالي
وراعي جفيفات لضيف يكتال=يملا اخروجه لالقى الكيس خالي
يجر ماه بجلد من بير باحيال=على معاويدن بعضها اهزالي
يكرم ومن ساس الكرم نال مانال=علمن تحاكابه فحول الرجالي
عاشو بحايل علمهم حي لازال=راحو وبعده ذكرهم لايزالي
سقاه من ساقي مجاريه بخيال=وبل الحيا من مرزمات الخيالي
من خشم رمان الحمر سيل ماسال=ليا حد جبة بالنفود الشمالي
يمطر على ديرة كريمين الاسبال=أهل الصخا لو معهم الجيب خالي