يا قلـبي اللـي كـن تصـلاه مــلا=او كـن بـه نـار(ن) لهـبها يـفـورا
كنــه علـى نــار(ن) سنـاها تعـلا=من حقل غاز(ن) بالتراب محجورا
قلـبن هـواجيسـة دقـاقـة و جــلا= تـقـفـي وتـقبل مـثل موج البـحورا
يا بـو فـهـد دور لـدعــواي حــلا=الـمـسألة تـحـتاج بعـض الأمـورا
افــزع لمـن مثلـي تــردد وكــلا=ترى حلات النفع وقـت الضـرورا
أبيـك تـفـزع فـزعـة غـنيـم ولا= الـعـذرلاتـطـريـه مـنـت معـذ ورا
عندي على فعلك شهود(ن) وأدلا= وتشهـدلك الموتى بوسط القـبورا
عـبدالـكـريـم اللي يـحـل الشـكـلا= مظهر سجين(ن) بالحديد مخفورا
مثل الفـهد عن موقـفه ما تخـلأ= شبـل على درب المراجـل غـيورا