مليت ورب البيت يالليل مليت ...
من الجروح اللي تجيني بلا اســــــباب
تدري ياليل اني على الجرح غنيت ...
غنيت دمعه والصدى ضم الاهداب
تبي الحقيقة والصراحة ترجيت ...
فـــــــــــرحة ولكن الزمن بالعطا خاب
ياليل قلي بدنيتي ويش سويت ...
حتى الهمـــــوم بداخلي تفتح ابواب
ان كان طيبي عيب ومشكلتي اوفيت ..
اموت صادق وارفض اعيش كذاب
طبعي كذا عن ميزتي ماتخليت ...
عندي مــــــــبادئ دونها ترخص ارقاب
( بيني وبيـنك ) ياكثر ماتعنيت ...
اركـــض بغرفة مغلـــــــقة مالها بـــــــاب
غرفة وراها فرحـــــتي دونها جيت ...
اركانها عـــــــتمة ولاحولي احباب
كاس الفراق المر منة تقهويت ...
انا اشــــــهد ان الشوق بالليل غلاب
ياليل انا لاشفت ماعــــفت قفيت ...
اقفي ولو خلفي كثيرين الاصحاب
ماذكر ولو مرة بحياتي تهنيت ...
اضحك كذا والصدق عن شفتي غاب
صارت دموعي ضيف وعيوني البيت ...
ودايم تشوف من المناديل ترحاب
لاشفت شمس الصبح لأيديك حنيت ..
وفي داخلك حبر القلم بالشقى ذاب
يالليل قل للصبح اني تمنـــــيت ...
بس ابتسامه تنتشل قلب منــــصاب
|