خلاص اباارتاح غادر والسعد فالـك
من حضرتك لاجل تقلب لي موازيني
من اي كوكب نزلت وشايفن حالـك
من حضرتك لااجل تتعبني وتشقيني
مليت جرحـك وتبريـرك وموالـك
تخطي وترجع تعتذر لااجل ترضيني
ان كان جرح القلوب البيض يهنا لك
يموت حبـك ولا تنـزف شرايينـي
يموت قلبي ضما واموت انا هالـك
ولااشرب الـذل بيدينـك وتسقينـي
غرورك اعماك تحلم تبنـي آمالـك
نهايتك جـات بيـدك قبـل تنهينـي
والله لانتي ولاعشـره مـن امثالـك
تخضع له النفـس ويفكـر يمشينـي
اول معك كنت وافي واعشق ضلالك
يامـا نصحتـك ولكـن ماسمعتينـي
اليوم ماهمنـي لوكنـت فـي بالـك
انـي بظالـم ولكـنـك ظلمتيـنـي
في واقع الأمر ماني بااصغر عيالك
بانـي الوقـت لاتحـلـم تربيـنـي
غلاك مات ابتعد وافراقك اشوالـك
لاترتجي الدمع واحـذر لاتعزينـي
ماينزل الدمـع لاامثالـك ولشكالـك
صلاَ من تكون حتى تفقـدك عينـي
نهايتك ترجمة لـك واقـع افعالـك
عبـت اوضـح ولكـن مافهمتينـي
لاعاد تحلم يجـي رقمـي بجوالـك
الله مااخضع ولو ترقص شياطينـي
ابااتركـك للنـدم وافكـار عذالـك
اهمني عاذلـك وانتـي خسرتينـي
خسرت نفسك ومضنونـك وتمثالـك
سارتـك للاسـف ماعـاد تعنينـي
اتمنى تنال اعجابكم..
|