عز الله من البارحه ما تناعست = النوم عيّا ياصحيبي يجيني

من عقب ماشفته تكدّرت وانحست = سرّ البلا بالقلب ولا بعيني

ياحظي اللي كل ما قمت دنقست = ابنشدك وش صار بينك وبيني

سهران مار من السهر ما قد افلست = كسبان همّ وغمّ يالله تعيني

العام طالب مار هاليوم درّست = في مدرسة من صرت عنده سجيني

مكبلٍ قلبي ومن وين هوجست = وش عاد ينفع لو يطلّق يديني

يا ليتني قدام لا شوفه اعرست = وارتاح باقي ما كتب من سنيني

انا اشهدني في خلا الحب غرّست = منجوم معرف من يساري يميني

لاكن دامك بالضلايم تغطرست = تدرج حبوبي ثمّ تاخذ طحيني

سرّيت قافي للمفارق وهجرست = من بعد ما شح الغلا والحنيني

لجلك ياكم وقفت لي ناس واجلست = حسبي على وقتِ مبيّح كنيني

واليوم يا قلبي بعد ضلمه اونست = وشلون تبغى واحدٍ ما يبيني

الموضوع الأصلي: يا ليتني قدام لا شوفه اعرست = وارتاح باقي ما كتب من سنيني !!! || الكاتب: زياد المزرمي || المصدر: منتدى الجبلان الرسمي

المصدر: ::منتدى الجبلان الرسمي::