تعـال دام الله كتـب بعـد وفــراق
عنـدي كـلام بخاطـري مانسيـتـه
دام الغلا رشـة حبـر فـوق الاوراق
لابـوك ياقلبـن طلبـنـي وجيـتـه
شلت التعب ماقلت ياكبـر الارهـاق
اخاف يفهمنـي غلـط لـو شكيتـه
ارضيـه وادلعـه والبـال مــاراق
فديـت قلـب اللـي تضايـق فديتـه
فيني وفا عاشق من البعـد مشتـاق
يذكـر حبيبـه كـل مـا مـر بيتـه
وجيته وفيني شوق مابين الاعمـاق
يهدنـي ويزيـد كــل ماطريـتـه
حتى عتب شوف العتب داخلي ضـاق
استغـرب اطباعـي بقلبـن هويتـه
حبٍ سكن قلبي وفـاق الغـلا فـاق
اخـلاص ماهـو للمصالـح خذيتـه
تدري وش اكبر شوق ما بين الاشواق
مغلـيـك لامـريـت درب ولقيـتـه
واليوم يوم الله كتـب بعـد وفـراق
دعيتلـه بـس العـتـب مانسيـتـه
:
|