السلام عليكم ورحمة الله وبركاته
أضع بين أيديكم المحاوره التي دارت بين فحول الشعر بن ناهس وبن معرقب التي حازت على اعجاب الكثير
يقول بن ناهس
يا مضيّف الخطّار اشوف القوم لدّت بالعيون
وحنا ترانـا فاللـوازم مـا نقـول المعـذره
ما دام فيك القوم ضنّت لا تخيّـب فالضنـون
حسبي على سوار الذهب يبغى يسوي مجزره
بن معرقب
مرحبا بك يابن ناهس وانت رجلن ماتهون
ياهلابـك والجزالـه عنـدنـا متـوفـره
كـان تبغاهـا علانـي اوتبافيهـادفـون
ابشر ابها ياصحيبي00والبيـوت معمـره
بن ناهس
دام البقـا لاكـنّ حـذرا لاتغيّـر فاللـحـون
ثماً نحطك يا صحيبي تحـت خـط المسطـره
راح المجامل ما انت لاقي عندنا ضحكت سنون
اما حذفتـك فـي يميـن الـدرب ولا بيسـره
بن معرقب
ياصاحبي كبوة حصان وشاعر المعنى يمون
لاصار زلاته قليله00تنحسب لـه مفخـره
نسيت يومنك خلطت ابحورماقلنـا جنـو ن
قلنا شويعر باول الدرب وحـذاري ندقـره
بن ناهس
اللي بوسط القدر يارجال يضهر فالصحون
وحنا كشفنا القدر مابه زاد نقـدر نظهـره
الوعل وده ينطح الضلع المسمى بالقـرون
ما يقدر يحرّك ركونه لو يجي معه عشره
بن معرقب
لاوالله الا وخذت الدعوه 00واناشاعر حنون
لاجيت ابهدم ضلع 00والله لاهدمه واكسره
الظاهر انك يابن ناهس فيك حره ومغبـون
مير انصحك لاشفت قدامك وعل00انزح وره
بن ناهس
يابو حنان اقرب واضنك من بعد هاذي زبون
ماني بخابر بالحنان الا علـى قلـب المـره
محّتر يوم اشوف مال الشعر كرت ولاش لون
يا عزتي لخليـف ابـن دواس راح المقبـره
بن معرقب
تعال اوريك الحنان اقـرب ياحبوبـي بهـون
تعال تكفى وانت مانت اول وليـد انجرجـره
خليف وابن شايق مع مستور وايضا ابن عون
شعار ماانت بحولهم 00رح دور الجزل اشتره
بن ناهس
ما دامك تجرجر جميع اللي غدوا واللي يجون
وش عاد ألدّ العين فيك وحالـك الله يستـره
شهادتك ما ترفع بقدري مع اللـي يشهـدون
الشاهد الله والرجال اهـل الوفـا والمقـدره
بن معرقب
اقرى يابن ناهس كتب واحفظ كتابات ومتـون
افقه عدل خل الجدل00واترك كثيـر الثرثـره
هل يستوي من يعلمو بمـن فلاهـم يعلمـون
هل يستوي اطلق شنب مع شلتن متمصخره؟؟؟
بن ناهس
لو مانت ابن عمي حرام ان الحظور إليا ضحكون
لا لقّنـك درسٍ تبـا تبعـث وكــلٍ يـذكـره
ما انته بفالح شعر يمكن تصلـح بشاشـة فنـون
الشعـر حنـا بيتـه العامـر وحنـا مـصـدره
بن معرقب
الظاهر انك والله اعلم في عداد المبتلـون
فيني ابتليت وفيك انا ودي اسوي شوشره
لالاتحسب للقرابه00ياولد عمـي وكـون
بقدماودك تكون00 ان كان تقدرتظهـره