المرحوم مع شاعر العتبان!!

--------------------------------------------------------------------------------
محاوره ناريه بين الشاعر خليف دواس رحمه الله والشاعر حبيب العازمي:



خليف بن دواس

ياحبيب يوم كـلٍ يقـول انـك حبيـب
المحبـه للنسـاء والمعـزه للـرجـال
والذكر من حظ الانثى تجيب اللي تجيب
لو عقيمه ماتعقّـب بنـات ولا عيـال


حبيب العازمي

اسمي اللي تعرفه معتبر مافيـه عيـب
والكلام اللي تقوله ترى مالـه مجـال
الذكر من حظ الانثى ولا يلحقك عيـب
وان لحقك العيب ماقلت لك ضنوة حلال


خليف بن دواس

ماعلى اللبوه غريـبٍ تعقّـب بـوّ ذيـب
الغريب ان عقّب الذيب بوّن مـن غـزال
الله اكبر بطت الذيـب فـي جـم القليـب
في بلد مادري عن الناس في بعض الحوال


حبيب العازمي

ان بغيت الثانيه لا عجيب ولا غريـب
العرب قامت توافا علـى روح وتعـال
الله اكبر ما احسب انك من الدنيا تشيب
مير جاك الشيب ياخليف من جور الليال


خليف بن دواس

لو ابا ضرب لك مثل بالكواكب للمغيـب
من غروب الشمس فالبحر لقمت بالهلال
الرجاء قيد الجمـل لايـروّح للشعيـب
واحسب ان الياس مطلق جمل ماله عقال


حبيب العا زمي

لوابا اركز لك هدف خابرٍ رميك يصيب
إن سلمت من العجاج المطر تحت الخيال
مالك الا ماكتب لك يابو حـظ ونصيـب
لو توردك المـوارد طويـلات الحبـال


خليف بن دواس

سال وادي من لبن سال وادي من حليـب
سال وادي من عسل سال وادي خمر سال
كـل متغـرّ ب لمتغرّبـه مثلـه مشيـب
وشامةً في وجنة الخـد منسوبـه لخـال

حبيب العازمي

سيلت ماسيلـت يامنـادي يامجيـب
الجنوبي مايحب الشمالـي والشمـال
اضرب السكه صليبن واقطّعها صليب
ولا تسمع في سواليف اهل قيلاً وقال


خليف بن دواس

في علو التل والا على الرجع الخصيب
ارض احيل الها وديرة ماشد الها رحال
وش عمانيه عن الجيش معزولة عزيب
لو عليها كور في عنقها ستـة حبـال


حبيب العا زمي

يوم جمعت الدواء ويش رايـك ياطبيـب
فالمريض اللي يشيل المرض تحت الطحال
دونها الموت الحمر دونها الوجه الغضيب
لـو تقربهـا الاجابـه يبعدهـا السـؤال

واتمنا ان تنال اعجابكم

الموضوع الأصلي: المرحوم مع شاعر العتبان!! || الكاتب: سلطان فيصل العوض || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::