الله يسد الحال عنك وطواريك
كم ليلة خليت عيني شقيه
اسلوبك الخداع كم غرني فيك
تضحك ولك في جرح الاحباب نيه
بين الامل والشوق كان الرجا فيك
بين الهوى والخوف صرت الضحيه
لا جيت اسلم لا تزيد بتغليك
خف الله ... بحالي ورد التحيه
وش عاد في الدنيا من الزين واعطيك
قلي .. وخذ مني حياتي هديه
يحق لي اترك طريقك واجافيك
تبينت كل الجروح الخفيه
ياصبر قلبي له زمان يناديك
ما فيك له رحمه ولا بك حميه
ما ودي عيون الخلايق تراعيك
انك محبن ما قدر خويه
ظلمتني مانيب لله شاكيك
الظلم ما يرضاه رب البريه
عشرين ليله عايش في تحديك
عمر الحزن والويل عمر الخطيه
طالت حياتي يا حبيبي وانا ارجيك
ولا حصلي منك لحظه هنيه
حبك عذرني واجرحتني لياليك
طبعك تغير بين صبح وعشيه
يا كثر سجاتي ولا تقول وش فيك
داله ولا ادري وش بقلبك عليه
الله يسد الحال عنك وطواريك
كم ليلة خليت عيني شقيه
المــزيـــونـ
|