يالله يااللي ثبت يحيى وياسين = ويعقوب ثبت عقب ضره يقومي
ان ترحم اللي حاير ضده الدين = وقف البخت وادلت عليه الهمومي
ومن عقب ذا ياركب فوق عشرين = بنات علكوم من الهجن كومي
عشرين نضوه والرجاجيل عشرين = ولا فوقهن الا العيال القرومي
نبا نجهز هن بجوخ وقيالين = وسلاحهم من مخطرات السهومي
خمس وثلاث وست واربع وثنتين = راحن تفاريق ولا هن لمومي
من دار بن عسكر مع الصبح ماشين = والعصر يمسن اللصافه بيومي
يلفن بيت بالفضا يطرب العين = راعيه دايم للطراريش يومي
البيت كنه قارة بين ضلعين = وان هوطلوا بكسور كل مهدومي
شويش ريف اللي من البعد عانين = بكثح النجوم وناطحين السمومي
تلقى الشحم بيدين دق الوراعين = كل يحط صهارته له بشومي
ولا نيب موقف ناقته عن هل العين = يردها مع يابسات الحزومي

جبلان واللى غيرهـم ماشقانـى = نزالة القفر المطرف إليا خيـف
ياويل منهو يطلبونـه وحانــــى = يروون حد مصقلات مراهيـف
ياشويش يازبن من جاه عانــى = جيناك برقابنا يامكرم الضيـف
قدلى ثلاث سنين والحال دانـى = واليوم عقب الدهرشفت أنا الريف

شويش المعرقب مثل سهيل إليا بان = راعى دلال دايم متعباتى

الموضوع الأصلي: شويش المعرقب ودوره بالمملكه || الكاتب: أبو مزيد الجبلى || المصدر: منتدى الجبلان الرسمي

المصدر: ::منتدى الجبلان الرسمي::