الا يالله يا الفرد الصمد يا المحيي الجبار = الايالواحد الي تنفع المخلوق وتضره
الا يا الرازق الباسط الا يا المعطي القهار= الا يلي بنظراتك جبال الارض منثره
الا يا مقلب قلوب البشر ومقلب الابصار = تثبتنا على دينك بيومن زايدن حره
ثبت عرشك ولاكن عقل خلقك يا إلاهي طار = يطير امع الكور يومنها بالجو مفتره
اناظر بالفضى يحشد ويلفت يمه الانظار = على كوره اوروبيه عيون الناس منجره
على كاس البطل والعالم الي داخل المظمار = نرا العربان مسرورا ونرا العربان منحره
يسجل قول فالمرمى ويسجل شيخنا اذكار = ونشوف القول ونصفق وقول الشيخ من مره ؟!
معروفين العرب حنا لخلانا الطريق ايسار = نناظر فيه بالمنظار لين انشوف وش سره
كتاب الله فالمسجد عليه امن الزمان غبار = تراكم فوق صفحاته سبايب تركه وهجره
سبايب تركه وهجره سكن نص العباد شهار = بدينه اقترف ذنبه وضيع شوط من عمره
سبايب تركه وهجره رضينا نعيش ذل وعار = بدا اجبن بشر يبطش وذاق الدين من شره
خطاء واضح على المسلم ولا حتى وراه اعذار= بشوت الذل ملبوسه وثياب العز منقره
نتابع مايدور وما حصل في شاشه الاخبار = وجميع الي حصل كله على حبل السهو نشره
نسوي مؤتمر ونرد بس ابكلمة استنكار = الي متى جيوش الحق والاسلام منصره ؟
بطولات العرب ماضي مثل قصه بقت تذكار = هذاك (المعتصم) لجل المره جيش العرب جره
ونشوف اليوم كم وحده تصيح عبر ذ الاقمار = على زوج وولد ماتوو تمس الثوب وتطره
عشقنا راعي الكوره عشقنا راعي المزمار = ونسينا شي من مده بأسم (محمد الدره)!

الموضوع الأصلي: (((كأس العالم))) || الكاتب: راعي المغاتير || المصدر: منتدى الجبلان الرسمي

المصدر: ::منتدى الجبلان الرسمي::