ياحبيبي لا تقول اني فضول = قلبي الي ساقني يمك وجاك
ما قدرت اعصاة حيث انه زعول= وان زعل يمكن يسبب لي هلاك
ارفقي بالحال يابنت الاصول= في محبٍ هام قلبة في هواك
مايبا غير السماحة والقبول = منك يا مجمول كان الله هداك
كل ما اسوي عن اخلاصك عدول = يشر بسهمة ويجذبني علاك
قافل بابة وممنوع الدخول= غير زولك ما حدٍ يدخل معاك
بين تعقيد المواصل والحلول = تاة قلبي في رضاك وفي جفاك
والسبايب منك يالضبي الجفول= كل ما قربت لك تبعد وراك
تحسب انك فارق عن كل زول =يوم رب الكون من حسنة عطاك
خل قلبك بالمواثيق مغسول = مع وليف طال صبرة في رجاك
واسمعي بالمختصر ودي اقول = ارحمي قلب ٍ تولع في هواك
الشاعر مطلق بن عبيدان السبيعي
رسآآآم