ابيات شعريه مختاره للشاعر متعب التركي

بسم الله الرحمن الرحيم

السلام عليكم ورحمة الله وبركاته

اليوم أختر لكم ابيات شعريه جميله للشاعر : متعب التركي المطيري الذي تلقى في سما الشعر باسلوبه المنفرد ومعانيه الجزله التي يتمتع بها القارئ ويتعمق فيها..
وانا من اشد المعجبين فيه كا شعره وشخصيته..
واتمنى ان تنال باعجابكم..

ذكراك لاهبت يجي عطرها صلف...وستنشقه بالصدر مثل الخزامه
اي والله ان غيابها مكلفه كلف ... اي والله ان عروق قلبي توامه

!%..!%..!%..!%..!%..!%..!%..!%..


نسيتني علمني شلون بأنساك...في هالزمن نسيان الاحباب عادي
شلون لا مرت على بال ذكراك...طيفك سرق مني لذيذ الرقادي
!%..!%..!%..!%..!%..!%..!%..!%..

أشوف لك من وين مارحت ذكرى...لا شفتها صديت عنها ودنقت
ماكل جرح لا اخذ ايام بيبرى...بعض الجروح يزيد شره مع الوقت

!%..!%..!%..!%..!%..!%..!%..!%..

توديع الاحباب مثل الموت له سكره...ادما جروحي وشق الصدر منيه
القلب طير وضلوع الادمي وكره...شقه الطلع لاسلم ولا هيه

!%..!%..!%..!%..!%..!%..!%..!%..

أصعب فراق فراق عكف الأشانيب..ماهو بفراق لابسات الغدافي
والذيب لا منه عوى جابه ذيب..والعلم حامض بس وين الاشافي
ودامه لقا غير قلبي معازيب..الله يسمح درب هاك السنافي

!%..!%..!%..!%..!%..!%..!%..!%..

متى ذكرتيني على شان تنسين... خليج مره صادقه وانصفيني
في وقت واحد تقرهين وتحبين ... انا تعبت استحملك واعذريني

!%..!%..!%..!%..!%..!%..!%..!%..

ماقلت لي شيء وش خليت ما قلته...اسكت وخل الكلام لجرحي ألدامي
لوغيرك الي يسولف ما تحملته... لاكن علشان عينك هانت آلامي

!%..!%..!%..!%..!%..!%..!%..!%..

لا تنشغل فيني انا بحالي ادرى...قلبن تعلق فيك ينسى مع الوقت
أكثر من الي صارلي وش يجرى...بين الرجا والياس شفني تعلقت

!%..!%..!%..!%..!%..!%..!%..!%..

قالوا حبيبك يسمع الشعر قلت ايه... يقراه بعيوني قبل تسمعونه
لولاه حتى طاري الشعر ما أبيه...مير اكتبه من شان خاطر عيونه

!%..!%..!%..!%..!%..!%..!%..!%..

دليل المحبه شوف عيني عليك تغار...ولا ودي الحاسد عيوني يطالعها
مع انك رحت بعيد بقى التذكار ... اليا شفتها عيني تسابق مدامعها

!%..!%..!%..!%..!%..!%..!%..!%..

واسمحولنا بالاطاله عليكم

واتمنى ان تهوز برضاكم

اخوكم نواف الهيت

الموضوع الأصلي: ابيات شعريه مختاره للشاعر متعب التركي || الكاتب: نواف الهيت || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::