ربيــــع يثير النـــــاس برعـــوده وغـــمازه
نصــــوب تصـافق وفيها لـــمعة الماســــــه
وعـــزّي لـمن حلــمه يقرطـــــع من الطــازه
مـــن ديس خــــوارٍة للــروض دّعاســــــــه
هــاذي علـــــوم مشــــروعة لفابــــها عازه
حذرا تعـــــبّر علـــى تفســــــير بلّاســـــــه
كلا" مربـّــع وانــــت ياغــــــافل بمــزازه
اللي صحــى ضحــى والمتعوس بأنعاســـه
بعــــض العرب يّــم أغادير ربع بمعكازه
وبعض العرب في الصلب والصمان حواسه
وبعـــض العرب لاشــاف طنجه ولا كازه
سافـــــر لـــها بالحلم قلّـد بـــها ناســــــــه
أدري المهايط ينطفـــــي لامن قضــى قازه
لابد يكشــــف عنــــه وتـــبين الافلاســـــه
وأدري الذيابــــه بطـــول الليـــــل قـــزاّزه
توبـّـــد اللـــــي غفـــل عنـــه حراســـــــــه
لا يهـــمك اللي ســــعو في النـــاس همّازه
سم وعسل مخلوط للشرب في الكاســـــــه
خــــل الطحـــين اللـــــي طــحنته لخبــازه
يعطيك نصفه والنصف الآخر مقاســـــــه
ومـــــن عاد مكــه ولالـه في منــى عازه
قــال المثل مـكّيه يا مــكّه على راســـــــه
ترى الذرابه ماهي عــــــن الذرب منحازه
وأحيان لامـــن بغاهــا ضيـّـع الطاســــــه
وسلامتكم