للشاعر الشيخ/ برجس بن دعسان بن حطاب الدغيم الدويش
يامزنة هلت من المـوت شختـور
ازت طفاف مريطبة مـن حمرهـا
يوم رعدت ثم برقت مالهـا سـور
ياويل هاك اليوم من فـي نحرهـا
حامت علي شمر وهج ابن مشهـور
واللي بحد السيـف طـاح ابحرهـا
منها السويطي راح يزبن علي الهور
وناسٍ وراء سنجار ربي حشرهـا
يقودها فيصل علـي شقـة النـور
كم رايـة بعيـال علـوي دمرهـا
ياناس طيعوا وافهموا واقبلوا الشور
ياويلكم ون كـان ركـب بظهرهـا
حرٍ مضرينه علي الجول مسعـور
منه الحبـاري لبـدٍ فـي شجرهـا
نجدٍ بها مشرك ومسلـم ومزيـور
ونجد بها ظلمـا وفيصـل قمرهـا
لعـل عـودٍ عقبـه ياخـذ الحـور
عسـاه بالجنـة يقطـف ثمـرهـا
فيها يسوى لـه بساتيـن وقصـور
وفرشٍ تفرش لـه برايـد حجرهـا
|