غرام احباب !

غرام احباب

على ذاك الطريق اللي يسمونه غرام احباب
وطت رجلي على دربه ولا ادري ويش نوى فيني

تبعته لا اخر دروبه الين ان القمر قد غاب
تعب قلبي ولا تعبت مسا فات توديني

لقيت الليله الجردا هدب ضل وسما واعشاب
بعد ذاك الضلام اللي يتوهني عناويني

صدفتك معجبه فيني ويا ليت الغرام اعجاب
وتراك انتي الهنوف اللي هقيتك تستحقيني

عطيتك عشق من قلبي وسلمت لغلاك ارقاب
وغيرك يحترق قلبه ولا يقدر يحاكيني

انا قبلك صدفت عيون ولكن ويش جاب لجاب
ترا كل العيون اللي لقتني ما تكفيني

رماني حضي العاثر عليك وجيت لك طلاب
ولا انتي اللي عشقتيني ولا انتي اللي عتقتيني

تعالي وارحمي ذاك الخفوق المولع المرتاب
مهب لجلي عشان الله يجازيك ويجازيني

تعدي في سما عشقي ولو عشقي خراب اصحاب
وصوني بالهوى نفسك قبل لا انتي تصونيني

وشيليني على متنك خفوق باري منصاب
ومن فوق الغرام العذب شيليني وحطيني

والى منك هقيتيني شجاع وما يطيق يهاب
انا لك بالهوى مثل ما انتي هقيتيني

انا ما امشي ورى غيرك ولو انه يطق الباب
وترى عيب علي اطعن ولو كثرت سكاكيني

زهود ما يطيق الدم لا داين ولا طلاب
شجاع وعارف نفسي واظن انك تعرفيني

غيور ما عرفت اضحك مع الغدر فبرود اعصاب
ابيع عيوني الثنتين قبل انك تخونيني

وان اشتد الغرام اترك خفوقي بين ناب وناب
لفرقا ت**ر ضلوعي ولا عشق يوطيني

انا رجل ولي غيره واذى شفت الهوى كذاب
تثور بقلبي الفزعه ولا تهدا شياطيني

سؤالك لو يزعزع بي كياني ما قبلت اعتاب
اجي لك واسالك نفس السؤال اللي سالتيني

عن العشق القديم ابواب تقفيها كثير ابواب
بعد ذاك الحبيب اللي خدعني وانخدع فيني

ابي عشق تحسب له كل نظرات العيون حساب
وابي قلب على قلبي وابي دين على ديني

وابي نضرة عطا توفي ولا تخلف بدون اسباب
وابي منك قبل لا انتي تصديني توديني

وابي درب على العذال صعب متعب غلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون اهداب
حشا ما تنزل الدمعه لغيرك لو تركتيني

انا اول من عرف قدرك وانا توي صغير وشاب
وابي منك ما دام انك عرفتيني تحبيني

ما دام اني لقيتك في طريق اسمه غرام احباب
دخيل الله وبعد الله دخيلك لا تخليني

ما دام ان كل من يحيى على وجه التراب تراب
عسى تنساني الدنيا ما دام انتي تركتيني

----

تحياتي للجميع

الموضوع الأصلي: غرام احباب ! || الكاتب: بنت مطير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::