هذا أنت ياللي تحسب القلـب لعبوبـه
ماني على الكيف تزعلني وترضينـي
ماني براجيك ولاني قايـل(ن )توبـه
وفرقاك عندي بـدال العيـد عيدينـي
عشرتك صارت عذاب وصارت عقوبه
لابـوك لابـو غـرام(ن) مايهنينـي
وانكانهـا بالعنـاد اليـوم محسوبـه
والله لتبطي وتبطـي منـت ناسينـي
والقلب عافك بعـد ماكنـت محبوبـه
وخل الترجـي تـرا ماعـاد تعنينـي
وعرف ترا فرقتك غايـه ومطلوبـه
لالاترجى وتشكي طحت مـن عينـي
وان كان قصدك هواالعشاق ودروبـه
منه خلصنا وذقنا الجـرح جرحينـي
وذي دنيتي عشتها عدلـه ومقلوبـه
ومنها شبعت وأكلـت اللـي يكفينـي
وهذا نصيبي وهـذا نـص مكتوبـه
واللي يجيني من المعبـود يرضينـي
|