اكذب عليك ان قلتلك اقـدر انسـاك
واكذب على روحي إليا قلت بنهيـك
علمـن يجيـك وياصلـك ويتعـداك
انك سكنت القلـب مافيـه تشكيـك
وانك خذيت العقـل والـروح ويـاك
واقفيت .. بي .. ياجعل ربي يجازيك
منهـو يسـوي فالمحبـه سوايـاك
بس المصيبه قلبـي اليـوم باغيـك
لا قلت انا ابنسى يقول انت وش جاك
ضيعت عقلك وختلـف كـل مافيـك
وشلون تنسى اللي حشى ماتناسـاك
شخـصٍ يمـوت ولا يفكـر يخليـك
فـي ذمتـي انـه يحبـك ويهـواك
يبيع كـل النـاس لجلـك ويشريـك
بالله لاتجـرح عيـونـك بيمـنـاك
ثمٍ تسيـل دمـوع عينـك وتعميـك
|