للصدر قاع (ن) من غناك اكتسى شيح=عقـب الظمـا ماجـرده مـن ثيابـه
بحبـال صوتـك للكنـاري مراجـيـح=مـدي يديـن الميجـنـا والعتـابـه
غني يصيـر القلـب بيـت التباريـح=وصوتك نقوش (ن) دارسه فوق بابـه
طفلين والشـارع عيـون ومصابيـح=مروا تحـت جنـح الضنـا والصبابـه
صوت (ن) يجيني همس وآحس به ريح=يا ما اختلف فينـي شعـور وتشابـه
يبين مـن كفـن (ن) تـوادع بتلويـح=ويمـر يجتـث الصبـر مـن ترابـه
وانتـي تغنيـن الفـرح ودي آصيـح=وفـي داخلـي للنـوح تعـوي ذيابـه
غني ترا الفرحة مثـل قطفـة الشيـح=وتذبـل لـو ان المزهريـة سحـابـه