28-01-2008, 01:59 AM
|
|
|
|
|
|
.: عضو مميز :.
|
|
|
|
|
|
|
لوني المفضل
Cadetblue
|
|
رقم العضوية : 562 |
|
تاريخ التسجيل : Sep 2007 |
|
فترة الأقامة : 6916 يوم |
|
أخر زيارة : 13-08-2009 (12:20 PM) |
|
المشاركات :
903 [
+
]
|
|
التقييم :
10 |
معدل التقييم :
 |
|
بيانات اضافيه [
+
] |
|
|
|
معقول أغير عقول الناس واقنعها ؟؟
معقول أغير عقول الناس واقنعها ؟؟
معقول أغير عقول الناس واقنعها ؟
ما هوب معقول يا للي قال : معقوله
يا خي .. أنا يالله بنفسي اطوعها
مالي على الخلق .. لا حكم ولا طوله
يالأجودي .. لو بنفسك شي موجعها
هالوقت غير كثير نفوس بسهوله
ورجل يجيها اللحاف .. بطقة اصبعها
ياللي يمدد بقد لحافه .. رجوله
اثبت لك أنا مع انفسنا نخادعها ؟!
وأنًا نشوف الهزيمة كنها بطولة ؟!
نقول : دنياك لو ما طاعتك طعها
وهي عمرها ما تطيع إنسان بميوله !!
بأسم الرجوله .. عقب ما الوقت شيعها
قمنا نكابر .. بوقت مابه رجوله
واحلامنا كذبة عشنا نرقعها
ونضحك على بعضنا .. بأحلام مقتوله
بايدين مشلولة .. بنبني مرابعها
بالله من قد بنى .. بايدين مشلولة !!
والنية الطيبة .. من طيب منبعها
وكلن على قدر طيبه يسرج خيوله
مثل القصيدة يدلك طيب مطلعها
عنها وتبقى بكل لسان مقيوله
لاني بمخبول .. هام ببنت ضيعها
ولا سالفة عاقل هايم .. بمخبوله
السالفة يوم ودك تعرف اسمعها
ياللي تلوم الدحيمي .. اسمع لقوله :-
زرعت ورده .. وليتي قبل مازرعها
في روض مشتل نشدت الروض . منهوله ؟!
ويوم ازهرت .. شفت راعي الروض يقلعها
قدام عيني وانا بيدين مغلوله
وقفت مذهول وعيوني مدامعها
تشهق بدمع وقف .. بعيون مذهوله
صوًت .. ياعم .. تكفا .. بس اطالعها
واشحذ وجيه العرب واقول : قولوا له
عين تجوع السهر من شان تشبعها
يا تنعمي .. يا تخلي النفس .. معلوله
قالوا تبيها .. نصيحة بندقك بعها
ما هيب صوب الجفول ولا هي بحوله
وامسيت .. وانا اطفي الشمعه .. واولعها
في حروة الفجر .. مير الليل يا طوله
وإن لمت عين .. بكتها الثانية .. معها
وان جيت ابانسى .. ولاهو شي .. ياهوله
من عقبها النفس طاري الورد .. يفجعها
وألعن ابو الورد .. كله .. واعشق ذبوله
وآخر سؤال .. حرم هالعين مضجعها
وأقفت تشوف الحقيقة شبة مجهوله
ياخي .. اكفر ذنوبي .. يمكن ابلعها
لكن اكفر ذنوب الخلق .. معقوله ؟!.
للشاعر / محمد الدحيمي ..
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
|