ياناس خلوني معه واتركوني .. محد معوّضني غيابه الياغاب
أغليه بس شلون لا تسألوني .. الحب من ربي يجي ماله اسباب
شوفوه بعيوني قبل تعذلوني .. شوفوا حبيبي ما هو بمثل الأحباب
ترضون والا كيفكم تزعلوني .. أنا حبيبي سيد تلعات الارقاب
ما فيه مثله بالبشر صدقوني .. مزيون متواضع وطيب وجذاب
واذا مدحته قال: لا تمدحوني .. ماني من اللي يستحقون الاعجاب
يقول: بس الزين فيني عيوني .. واقول انا: هذا بلا ابوك ياعقاب!
|