قصيدة تبكي لها القلوب قبل الأعين !!

## دخول ##

الزمان استكثر الفرحه على وجه حزين
والليالي ماتعدت كونها , حلم معتوه

## النص ##

يا مل قلـبٍ يفـك الهـم ويخمـه
خمة عجوزٍ ولدها بيـن روحينـي

قدام تزهق حياتـه قـال يـا يمـه
ثم اصفقت من عظيم الوجد كفينـي

طاحت على صدره اللي واقفٍ دمه
ويوم ذهنت جرت الونه بصوتينـي

قامت تخمخم يديه وجـودت كمـه
تبيه وافخـت وزاد الهـم همينـي

وعلى النعش يوم قفوا به بني عمـه
قامت وطاحت وهامت والهيم شيني

تدوي على ثوبه المنطـول وتشمـه
وتسقي جفاف الشحوب بدمعة العيني

من حر فرقاه ما تمشي علـى يمـه
ولا تعرف الأحد من يوم الاثنينـي

ولا ترقد الليل من حره ومن همـه
والقلب كنـه يطعـه بالسكاكينـي

كن المعزي يشوف عيونهـا يمـه
تغيب وتذهن ليا جوهـا المعزينـي

وجابوا لها اللي قرا بالمصحف وتمه
يقرا عليها مـن القـران ياسينـي

وانا على الناس كني من ورا الحمه
الناس عندي ولا ادري من يحاكيني

اوحي نبا العلم لكن كيف ما اضمه
الله اعلم ويـن هاجوسـي مودينـي

آرد على الهم ضامي واشرب الجمه
عليك ياللـي توردنـي وتضمينـي

وتشوف حالي عقب ما طبت منسمه
ودواي بيديك لكـن مـا تداوينـي

اما وفى والوفى تبري بـه الذمـه
والا جفى والجفى مـوتٍ يبارينـي

## خروج ##

أنا ماهمني حزني ولاني للفرح مشتاق
ولكن ليه يادنيا اذا بضـحك تبكيني

** تمنياتي للجميع بالسعادة الدائمة**

بنت مطير

الموضوع الأصلي: قصيدة تبكي لها القلوب قبل الأعين !! || الكاتب: بنت مطير || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::