ينتعش قلبـي لشوفـت طيفهـا دون الطيـوف
مرجع ابدرب(ن)مشيته دامنـي لاجلـك مشيـت
ياسمو الحسـن والله تنحنـي لاجلـك حـروف
تنحني اعظم قصايـد مـن حلاتـك بيـت بيـت
جيتك الفارس عشانك دوني لو تلمـع سيـوف
واقلب الدنيـا عشانـك دامنـي لقربـك نويـت
دامك الغايه ياعمري لاخترق اقـوى الصفـوف
ما ارضى في كلمة (محالة)حتى في قولة (ياليت)
منهو في دنيا المظاهر؟يمتلـك قلبـن عطـوف
درتهـا الدنيـا وغيـرك يشهـد الله مالقـيـت
لو بغيت ابعد واسافـر يشتكـي قلبـي بخـوف
كيف تتركها يامركب !!وانته من قلبـك هويـت
كنت انا الاقوى ياعمري صرت في بعدك ضعوف
والامل طيبة خفوقك !!!رحت ياروحـي وجييـت
|