ياعلي خل العيـد لأم الدناديـش=ا للي تنظف كل يـوم جسدهـا
تبغي تماري ناقضات العكاريش=في كل ملفـاح تنقـض جعدهـا
العيد عيدالله ولو فـات حتيـش=من حسبة ايـام يمـرك عددهـا
نبي نعلمك المساري عل الجيش=تمشي ذلولك لين يفتـر جهدهـا
خابرك مانتب ضاري للمطاريش=نبيك تونس حلوها مـن نكدهـا
ليله على مسرى وليله مغابيـش=و ليله نخلي نومها لمن رقدهـا
وليله على تمره وليله على عيش=وليله نوكلك اللحم صيـد يدهـا
ياعلي لاجيت العرب لاتجي ديش=خبل ليا جاب السوالف سردهـا
إحفظ لسانك لا يجي فيه تبطيش=تصبح عيونك كايـدات رمدهـا
يجيك من ينشدك نشـدة تفتيش=يبـي يسنـع هرجـة يعتمدهـا
خله يقوم مفلت في يـده ريـش=يروح منك وحاجته ما وجدهـا
ترى دعابيل الخبـول الفوانيـش=تبدي بما فيها ولا احـد نشدهـا
يجيك واحدهم يـورش توريـش=سحابته يسبـق مطرهـا بردهـا
واللي لغمقات السوالف مناقيـش=قراية الكلمة علـى اول عددهـا
تجي سوالفهم ضحـك وتبهيـش=وقلوبهم ما احد يفكـك اعقدها

الموضوع الأصلي: ياعلي لاجيت العرب لاتجي ديش=خبل ليا جاب السوالف سردهـا || الكاتب: أبومحمد || المصدر: منتدى الجبلان الرسمي

المصدر: ::منتدى الجبلان الرسمي::