لا تقـول ان الليالـي فرّقتـنـا=لا تقول ضروفنـا عيّـت علينـا
الليالـي يــوم ودك جمعتـنـا=يوم ودك كل شي(ن) فـي يدينـا
ياسقى الله ليلة(ن) بك عرّفتنـا=في شعيب شهار عن غيرك سلينا
من مغيب الشمس حتى طالعتنـا=عن هل الدنيا نزعنـا واعتلينـا
ليلـة العشـاق والله ورّدتـنـا=مـارد ذقنـاه لكـن مارتويـنـا
ليتهـا .. ياليتهـا ماودّعتـنـا=ليت ذاك الليل مـاراح وسرينـا
يوم همّلنـا الليالـي .. هملتنـا=كيـف تعطينـا وحنّـا ماعطينـا
الليالـي عـن هوانـا مانهتنـا=البلى حنّا علـى البعـد انتهينـا