اليكم احبائي هذه المتواضعه التى اتمنى ان تنال اعجابكم
ثورة شاعر والتى وقعت احداثها معي في 2006
----------------------------------------------------------
توك تجينا يوم هانتك الايام
توك تذكرت الاهل والقرابه
توك تحسف عالخطا جيت بلزام
توك تدور طيب وتفك بابه
ياما طعنت بناس زادولك اهيام
وياما فتنت وجبت علم الخرابه
وياما حرمت اقلوب وخليتها اقسام
فرقتها ابسبتك شفنا الكابه
كذاب ومنافق ولاتعرف احكام
فاشل وجاهل ماتعرف اللبابه
غدار ضايع كلك اوهام بوهام
هذي حياتك كل ابوها غرابه
باعوك ربعك وأنتهت كل الاحلام
وجرحك بقلبك زاد فيك اللتهابه
لاتعتذر ذوق المذله والالام
وخلك تشيل الجرح وتشوف مابه
ولاتقترب بصدر افعلتك الاعدام
ونهيك وعلمك معنى المهابه
وببقى على طول الزمن دوم قدام
عزيز نفس ومن يبيني هلابه
من لابة ٍ تحفظ تعاليم الاسلام
عز الضعيف وسعد منهو انتخابه
(حمر النواظر) لاغدا جوها اعتام
نمشي ادروب الموت لامانهابه
(والجشعم) بقلبي عزيزين وحشام
ارجال العلوم النادره والذرابه
وعجمان والمره ونعم ٍ بني يام
و(قحطان) و(الظفران) عز ومهابه
و(عيال وايل) تشبع الطير لاحام
أهل الكرم والجود وأهل الرحابه
و(لطامة العايل عتيبه) وبحكام
افعالهم فيها الفخر والصلابه
و(شمر) لمنهو يشتكي جور منظام
هم فرحة المضيوم وقت الحرابه
وبذكر أنا ربع الوفا ربع ٍ اكرام
ذولا العوازم باللوازم اذيابه
ولاأنسى الدواسر والهواجر وماأنلام
عدوهم وقت اللقا ياعذابه
وباقي القبايل كلها عبر الاعوام
تاريخها مشهور واضح اكتابه
والا انت ماجيلك وخله يجي اخصام
من بيننا وأزيد جرحك صوابه
وراح اتذكرها عام ٍ بعد عام
وتهل دمعك مثل وبل السحابه
جتك حروف الشعر قلته على ام
من شاعر ٍ درب الردى مامشابه
وصلاة ربي عالنبي نسل الاكرام
محمد شفيع الخلق وكل الصحابه
شعر : فرحان الراشد (جريح الخطاوي ---
وقعت احداثها في 2006