من عادتي لا عكّر الوقت جـوّي =خفي دموعي عن نظر كل غالي
ما ابدي تناهيدي ولو شبّ ضوّي =وأدفن همومي بين فكري وبالـي
وش عاد لو بركان حزني يدوّي =وإلاّ يهـد بداخلـي كـل عالـي
الله بلاني ب(العقل)و ش أسوّي؟ =دربي يميل ولا يميـل اعتدالـي
حيّرت في ممشاي حيلة عـدوّي =لين اقتنع في طيبتي وانثنا لـي
هذا وانا في سكّة الحـب تـوّي =بأوّل خطاوى رحلتي وارتحالـي
من عافته عيني ..هفا من علوّي =ومن حبّته نفسي ..سكن بالعلالي