وشكواك لابن الردي حذر(ن) تعنزهـا--------يفضحك وتروح فيها وانـت كاميهـا

وشكواك لابن الردي حذر(ن) تعنزهـا--------يفضحك وتروح فيها وانـت كاميهـا

أسعد الله أوقاتكم بكل خير ,,


أحد روائع البحر الميت

ارجوك بعض المشاعـر لاتهزهزهـا=ترى المشاعـر تألـم عنـد راعيهـا
وترى النفوس العزاز الهـا حواجزهـا=وحواجز النفس ستر (ن ) من خوافيهـا
لا تقول لك كلمة (ن) تحسبك تحرزها=وتطيح لاقمـت منهـا منـت قاويهـا
وان قلت لك كلمة (ن) حاول تركزهـا=ولا ترى الصمت خير (ن) من حكاويها
ودعواك لاصار مـا تقـدر تنجزهـا=ازبن على واحد (ن) ساعـه وينهيهـا
ولا تجود علـى صبـر (ن)يعجزهـا=وتجيك في وسط بيتـك مـا تناديهـا
وكم واحد(ن) حاجتها بالصدر يكنزهـا=من قـل مـن يستمعلـه يـوم يبديهـا
يخشى مـن اللـي يهمزهـا يلمزهـا=يضحك بعض ناس لاكن ناس يبكيهـا
وشكواك لابن الردي حذر(ن) تعنزهـا=يفضحك وتروح فيها وانـت كاميهـا
وعليـك تكبـر ولا تقـدر تميـزهـا=وتضيع في طوشة(ن) تبلـش بتاليهـا
والسالفـه يقـدر الـواحـد يلفـزهـا=ويقدر على ناس مـن شكلـه يمشيهـا
ولاتشغلك حرمة(ن) منـت متجوزهـا=تطرد وراها وغيـرك يهتنـي فيهـا
ولا يفرحك شوف الارنب لو تنقزهـا=مـادام مـا شفتهـا بالنـار شاويهـا
ولاتحسب (ن) الذهب باي يد(ن) يزها=ترى الذهب مـا يغيـر لـون اياديهـا
والنفس حاول بحـد اقصـى تعززهـا=نفس(ن) بلا عزهـا مانـي مداريهـا
والنـاس لاتقـوم بعيونـك تخززهـا=احمد على العافيـه واسلـك مماشيهـا
والمرجلـه ماتحـب اللـي يهاوزهـا=تبي لهـا واحـد(ن) دايـم يحاضيهـا
واللي عيونـه مـع الظلمـا يغمزهـا=ماحد(ن) درى عن عيونه لـو يعنيهـا
ونفيستـك وانـت فانـي لاتغزغزهـا=المقبـره بأنتظـارك وانـت ناسيهـا
والنـاس دورات قادرهـا بعاجـزهـا=ماخلـق جنـه ونـار وزعـوا فيهـا
وناس(ن) مع الله وناس ابليس ناغزها=سبحان من ظل ناس ونـاس هاديهـا
وناس(ن) تعلـت وعلتهـا مراكزهـا=وناس(ن) تبي الطيب مير الطيب فاحيها
وناس(ن) تحفز ومعروف(ن) تحفزهـا=وناس(ن) تبي من يشيمهـا ويعطيهـا
وناس(ن) تلعوز وتسلم مـن تلعوزهـا=وناس(ن) مع اللعوزه تبطـي لياليهـا
وناس(ن) تبي نبز ناس وناس تنبزهـا=نابز ومنبـوز ليـن المـوت يفنيهـا
وناس(ن)عجز رزقها يكمل عوايزهـا=لاهـي فقـارا وهـي مالله مغنيـهـا
حتى العجايز تبي نـاس(ن) تهمزهـا=العافيـه والظنـا مـاهـو مكفيـهـا
وان قمت اعاند تفاكيـري وابارزهـا=صارت حجاوي وانا مانـي محجيهـا

تحياتي لكم

الموضوع الأصلي: وشكواك لابن الردي حذر(ن) تعنزهـا--------يفضحك وتروح فيها وانـت كاميهـا || الكاتب: мя.ĵβĻiŷ || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

بكيفي وووووووووووووينك


فاقدينك وفاقدين هالإختيارات المميزة.
سلمت يمينك على نقلك لروائع البحر الميت.

هلا وغلا يابعيد

الله يطولي بعمرك حاضر غايب تدري العطله ,

اشكرك على طيب المرور يالقرم

لاهنت

رووووووووعـــــــــــــــــــــــــــه




هالقصـــــــيدددده روووووووووعــــــــــــه

من اولها لاخرها


قريتها اكثر من مره اعجبتني بصراحه هذي حكم كلها حكم


وانا استفدت الكثير



صح الله السان شاعرها عزالله ماقصــــــــــر


وسلممت يمناك اخوي بكيفي عاالاختيار الاكثر من رااااائع


نحن بحاجة لمثل هذي القصائد

بكيفي جبلي
تسلم لنا هالاختيارات الروعه
وصح لسانك ولسان شاعرها لا هنت
تقبل مرور وتحيات
اخوك
الجارح

الله عليك يا ( بكيفي جبلي ) ماتجيب الا الجزل ... سجل اعجابي بشخصك الكريم وبالقصيده وشاعرها ....

لكن لدي تعقيب بسيط من باب الفائده (وكلامي خطأ يحتمل الصواب وكلام غيري صواب يحتمل الخطأ )

التعقيب على حروف القافيه واقصد قافية العروض ( الصدر ) وردت بعض الكلمات وسوف اقسمها الى قسمين :
القسم الاول وهي : مراكزها ، حواجزها ، ابارزها ، عوايزها ، ناغزها
القسم الثاني وهي : يهزهزها ، يحرزها ، يكنزها ، تحفزها ، تلعوزها
فإن فصلنا بالحروف واعطينا كل حرف مسماه نخرج بالناتج الآتي :
حرف الروي هو الزاي .....
والهاء التي تعقب الروي تسمى وصل
والالف الاخيره بالكلمه تسمى خروج
والحرف الذي يسبق حرف الروي ( الزاي) يسمى الدخيل
وهذا كله لااختلاف عليه بالقسمين ..
الاختلاف يكمن في حرف الالف الذي يسبق الدخيل ويسمى الف التأسيس فان دخل على القافية يبقى الى نهاية القصيده اي بمعنى يلتزم الشاعر به ولا يجوز الغاه نهائيا من القصيده والا تعاب القصيده بعيوب القافيه وهو امر مستقبح عند العروضيين ( علماء علم العروض ) ..

وهذا من باب الفائده للجميع ..

تقبل تحياتي واحترامي \ اخوك ابن سمدان

دمعة ناقه

حياك الله اختي ...

مروركي تشريف لمتصفحي .. فانتي ذات اطلاله مميزه في هذا المنتدى

شكرا لهذا الحضور,

تمنياتي لكي بتوفيق من الله

الجارح

حياك الله يالقرم

مرورك بحد ذاته ميزه بالنسبه لي

شكرا لكـ

ابن سمدان حياك الله يالقرم

مرورك واضافتك اثراء مهما كانت النتيجه النهائيه

ففي كلتا الحالتين نحن نستفيد ونضيف لثقافتنا الشعريه المتواضعه جدا من ابداعاتكم وتعليقاتكم,

شكرا لهذا الحضور المتمكن

لاخلا ولا عدم

صح لسانك وصح لسان شاعرها .. وتسلم على الموضوع والقصيده

تقبل مروري ...