|
|
|
#1
08-12-2009, 04:48 PM
|
||||||||
|
||||||||
الشيخ حمد الوازع رحمه الله
الله يجزاكم خير ياعيال عمي الجبلان في دولة الكويت كان هناك شاعر اسمه حمد الوازع الجبلي الي يحفظ من قصائده شي اتمنى انه يزودنا فيهااو يساْل الشيبان بالكويت- المصدر: ::منتدى الجبلان الرسمي:: 
|
|
10-12-2009, 03:16 PM
|
#3 | |
|
::+عضو شرف+::
|
الســـــــلام عليكم ورحمة الله وبركاته
يشرفني أني أكون أول مجيب لطلبك  من قصائده رحمة الله عليه واللي لها قصة : تجاور حمد بن وازع الجبلي عند حمدان بن ضويحي بن سويط شيخ الظفير فغزا ابن سويط ومعه بني خالد على مطير ولكن إنه انكسر من قبل مطير وعندما رجع نادى قصيره الجبلي وقال علمني وش قلت في مغزانا فقال حمد بن وازع في مدح مطير : علمٍ لفاني شوش الراس تشويـش ,,, ربع بقلبي عقـب ماهـو سنـاوي يوم السويط استفزعوا بأهل الهيش ,,, لموو بني خالـد وكـل الشـواوي راحوا يدقـون الغبـا والنشانيـش ,,, يبـا يجيبـون الغنـم والقهـاوي جوهم بني عمي بعلـط ومراييـش ,,, حاموا عليهـم معطبيـن الأهـاوي حالوا على الطابور والخيل والجيش ,,, واعذر من الشيخه كبير العـزاوي فقال بن سويط ماقلت إلا الصحيح فبقى عند بن سويط معزز مكرم وهم أهل نخوه وجيره لين حتى رحل من عندهم بكيفه لبني عمه ولي عودة بمجموعة من قصائدة وتبشر بالخير يا معاذ ولا هنتــ على سؤالك |
|
التعديل الأخير تم بواسطة الهتان ; 10-12-2009 الساعة 03:23 PM
|
|
11-12-2009, 06:50 AM
|
#4 | |
|
::+عضو شرف+::
|
عـــــدت مجدداً كما وعدت ومعي مجموعة قصائد للشاعر حمد بن وازع
وما سوف أذكره نقلا عن كتاب ( ديوان الأكابر ) جزء 2 يقول بن وازع : يا راكب حمرا تبوج أشهب اللال ,,, ركابها ما صاب عينه نوادي حمــــرا ليّا هزّيتها تقل خيّال ,,, تقطع رهاريه الخلا والحمادي ليّا روّحت تشدي لشيهانة الجال ,, ليّا روّحت من ظلّها للبرادي سلّم على ربعن ورا نايف الجال ,, وخص الربوع الطيبين النوادي جونا وجيناهم على ضوية المال ,, يوم الصميل اللي يخضون جادي في ساعة يوم أشهب الملح ينجال ,, يكبيها اللي ما خواله جوادي علوى كما الطعس الحمر يوم ينهال ,, على ولد سلطان بنمراً تذادي علوى هل الردات يبّاس الأبلال ,, ليّا جـــــا نهاراً غادياً فيه غـــادي كم واحداً خلوه من المعركة مال ,, عليه بيضه يلبس الحدادي نسّاية المعروف في كل الأحوال ,, على النّسيب إيسحبون الجرادي وعزيلهم وإن قطعت كل الأسبال ,, نردّهم يــم الـجريد الـــبـوادي ليّا بكّر الوسمي وجاله تشيعال ,, حلالهم ما عاد يلقى العرادي --------------------------------------------------- وفي اخرى : دوك الصّميّل بارداً فيه نشنوش ,,, عنّه العماس من القراده حداني نبي بسير يا ولد لأبو علوش ,,, إلا مـالــــت الفيّه وزان الــمكاني راعي دلالاً كنّها حزورت بوش ,, سودٍ ولهن بيض الخطاوي زياني |
|
|
التعديل الأخير تم بواسطة الهتان ; 11-12-2009 الساعة 07:17 AM
|
|
11-12-2009, 07:15 AM
|
#5 | |
|
::+عضو شرف+::
|
كان ابن عم حمد بن وازع يريد ان يغزو على الظفير مع الجماعة لكن
ماعنده ذلول فذهب لابن عمه حمد وطلبه ان يعطيه ذلوله الطيبة علشان يغزي عليها فرفض ابن وازع ان يعطيه لانه يرى ان الظفير والسويط لهم عهد معاه وبينهم عشره وجيره , فحلف له ابن عمه انه ما نيتهم الظفير .. فأعطاه الذلول وغزوا الظفير وصارت المعركة وأخذت الذلول في الحرب ..... وودوها الظفير للامير / جعيلان بن نايف بن ســويط رحمه الله لانها اطيب ناقة وارادوا ان تعطى لشيخهم ..... فلما سمع حمد بن وازع الجبلي بالعلم ركب لابن سويط يطلب ذلوله اللي خذوها دون علمه بوجهة المغزى الحقيقيه !! ياراكب من فوق فـج العضـودي قطم الفخوذ ومبعدات المصابيـح بواطنٍ يشدن بيض الخدودي إلى زان مرماهن وصكتهن الريح مـا كعمسـوا مرباعهـن بالنفـودي يرعن بالصلب الحمر والصحاصيح ثلاثة اشهـر ما اوجسـن بالبـدودي مع ظف اخو هيـلا واهلهـن مصاليـح داروا عليهن مع حماد الحيودي وحقّوا عليهن بالسرى والمراويح ملفاكم بيـتٍ للنشاما عـمـودي ابو غنيـم اللـي عليـه التماديـح جعيلان بن نايف عديم زهودي كل المشاور غير شـوره نوابيح البيت ما يبنى بليّا عامودي والرس ما يذكر كواكب إلى ميح لازم تجون احمود حرز الشرودي فكاك بالضيقـات شقـحٍ شراشيخ ما ينقل إلا مرهفات الحدودي إلى جا نهارٍ فيه صدر وتواميح وقلّه ذلولي عندكم يالجنودي بوجيهكم ما جا عليها سواميح قصيرتك من يـوم ثمدي وثمودي من شبّتي واليـوم شيبـي ملاويـح ومن يوم نوخت أمها للقعودي واليوم عوصا ترذي الفطر الفيح يا فاطري وجدي عليها وجودي بـــذتني الدنيا وأنا أقوم واطيح يا فاطري وإن راوسوا للعدودي تشرب صرات العدّ ما تطعم الريح ومن طاع هرج المندنس والحسودي تراه ما يقدر على هبـت الريـح |
|
|
|
|
15-12-2009, 06:37 PM
|
#8 | |
|
www.aljblan.com
 
|
الشاعر حمد بن وازع العناني يسند القصيدة لسعود بن علوش المعرقب
يقول فيها : يا راكب اللـي لبعيـد الخـد سراقـة مربوعة الراس من جيـش مواجيفـي لروحـت تـدرج للـعـب مشتـاقـة من ديرة هذيل تلفيبـي أهـل السيفـي أسبق من اللي لبـرق الريـش لحاقة متسـاوي ريشـه مـابـه تخاليـفـي يمـل قلـب يلوعـة طـاري فراقـة لوعت هبوب الهـوا قشـع الشفاشيفـي علـى وليـف عليـه النفـس تواقـة لجمجـم الريـق للبيـض المراهيفـي ريقة كما الغندي نثر فـي لبـن ناقـة حطوه في بريـق فـي در المعاطيفـي يا لايمي لحطولـه الـزاد مـا ذاقـة ولا أم خمـس تلـبـه بالسراجيـفـي ولا كسيـر مـن الركبـة ليـا ساقـة بين البيـارق وعجـلات المحاريفـي ياسعود يا مسندي عكش علـى الساقـة دام ابن عمك هبالـه مـا بعـد شيفـي ترى ابن ضويحي ان كان الخال ماعاقه مـن لابـة يـوم تنخاهـم مزاغيفـي يازين بر الصحيب اللـي علـى فاقـه ملا ابن عم يوعدنـي الليـا الصيفـي |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
العرض العادي
