ياقصة ٍ كل يوم ينبت لها ناب ..

ياقصة ٍ كل يوم ينبت لها ناب ..

تتساقط اشــواقي لك اعناب واعناب ..
.........................وانا وعنقـود الفـراق .. اجتمعنا ..

جمعت لك كـل الاحـاسيس بكتاب ..
......................ومابين كل احساس واحساس معنى ..

لاتبكي اكثر لو نزف جرحك وطاب ..
...........................شي انفرض مانمنعه لو جزعنا ..

سِدّت شبابيك الهوى وانقفل باب ..
............................. واخر سحاب ٍ مرنا ماسمعنا ..

ياحب ّ .. وقـّفك الزمن بين الاحباب ..
.......................... وشلون تاقف ضدنا وانت معنا ..

بانت تجاعيد السهر والشقا شاب ..
............................. والا الهوى طفل ٍ بموته فجعنا ..

ياقصة ٍ كل يوم ينبت لها ناب ..
............................ ينحت ضلوع الذكريات لوجعنا ..

هنا بدينا رحلة حضور وغياب ..
................................. هنا ابتسمنا للوداع ودمعنا ..

هنا تملاّ جرح وابتلّت اهداب ..
............................... هنا تردى حظ وهناك ضعنا ..

ياكثر مااشوفك ولو كنت غيّاب ..
.............................. وياقل ّ ماهذا المكان.. اتسعنا ..

ليت الوداع اللي جمعناه .. كذاب ..
............................ وليت الغرام اللي جمعنا ..جمعنا ..

ماكان بيدينا جدى رغم الاسباب ..
............................. مير الزمان اللي نعيشه ..خدعنا ..



للشاعر/نواف الشمري

الموضوع الأصلي: ياقصة ٍ كل يوم ينبت لها ناب .. || الكاتب: واثق الخطـــوه || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

واثق الخطوة

حياك اخوي ولاهنت ....... على القصيدة

الجميلة المميزة من شخصك الكريم المبدع

صح السانك والسان الشاعر الشمري


تقديري وتحياتي

اخوكــــــــــــــــ

سلطان الجبلي

اخوي واثق الخطوة


صح السانك

والسان الشاعر الشمري

ابيات في غاية الجمال .

صح لسان الشمري

لا خلا ولا عدم يا واثق الخطوه

تقبل مروري .,,,,,,,,,

شاكرومقدر تواجدكم جميعا
ولا هنتوا

صح إحسآآآسك .. وقلب شآآعرهآآ


دومآآ ذوق بإختيآآرك .. يـ مبدع

دمت بروعتك

دووم مبدع اخووي واثق الخطووه وقصيده جميله والاجمل ناقلها
تقبل مرورى
اخووك
بــ سهيل ــن

جميع الاخوان والاخوات
لكم مني الشكر الجزيل
علمرور