حاله خاصه......................؟؟

حاله خاصه......................؟؟

على السبعااااان

حاله خاااصه

لن تتكرر





http://www.movn.net/videos-action-show-id-865.htm



ظنون

تكتب يقينك شعر.. يقرونه ظنون=بدري عليهم يا (علي) يفهمونه
خل الحمايم دمع واهدابك غصون=وارسم لحزنك وجه ما يعرفونه
خلك كذا.. شاعر وغاوي ومجنون=ألذّ ما في الشعر لذّة جنونه
خلك وطن عشرين معجب.. ومزيون=لو طحت من قلبه رقيت لعيونه!
خلك كذا .. مديون وآبوك مديون=والا تديّن لاجل توفي ديونه!!
تركض بهالدنيا وتبعد ويدنون=( والله ياهب لك عليها معونه!!)
عادي.. إماراتي/سعودي أو بدون=أهم شي تدري وش انته بدونه!!
يعني الوطن وش هو؟ سعَف نخل وحصون!؟=في ذمّتي وش كثر من يجهلونه
كم داخله عالم وخارجه يبقون=وكم خارجه ناس ٍ وهم يحملونه
كم ناس يذكرهم ، بقلبه، وينسون=وكم ناس ناسيهم وهم يذكرونه
خلك كذا .. لو كنت بالبعد مغبون=من عادة أقراب الفتى يظلمونه
خلك كذا تكتب، وهم بس يقرون=وانت اش عليك اش لون هم يفهمونه
حاول تقول اصدق من اللي يقولون=والا الوطن وافي ولا له مهونه
عنده بدالك فوق عشرين مليون=لو ما مدحته.. كلهم يمدحونه

من ناحية صعبة فهي صعبة بجد = وان جت على حلوه فهي اخر حلاوه
فعلا طويله بس ما هي بـ..هالقد = طول الاف باول حروف الغلاوه
جمرة حشا مقصوصة مجدل اتعد = شقراء على كم خصلة كستناوه
اليا اقبلت لي بعضها في بعضها اشتد = بينه وله لهفة وغيرة وعداوه
وان جت تلفت طاح ضد على ضد = الين يغشى الليل صبح النقاوه
فلجا ثغر.. عنجا حور.. مهملة قد = في عودها اقسى لين والين قساوه
عكفا هدب.. زينة عتب.. زاهبة رد = فيها الهدايه والهدى والهداوه
لاسولفت سمى على انفاسها الند = وكفوفها تمسي الندى بالنداوه
فيها غنج ساذج على ملعنة جد = على شوية شيطنة مع شقاوه
من حدة الفتنه خذت فتنة الحد = تطوي فضا الفتنه بفتن الفضاوه
تستغفل الغفلة تودد ولا تود = تستطيب الطيبه لحد الغباوه
تسرق تفاصيل الصدى لاخر الصد = وتماطل ايام الرخا.. بالرخاوه
مدت لوصلي يد واقصتني بيد = لا ذقت وصل ولا شعرت بجفاوه
راودتها ردت.. ترود.. وترتد = تريد.. تتردد.. تردد.. رداوه
ولني ما احب اصلا اثقل على حد = خذت القصير من الحفا والحفاوه
حلوه وتتغلى ولا جات للجد = عادي تغلى من لها هالحلاوه

ابشري بالشعر ياشيخة دواوينـــــه وتاجه = لو طلبتي شاعرك يكتب لك من ازرق وريده
بس انا لاجيت اباكتب ينشغل بالي بحاجـه=كيف ابكتب بك قصيده توصفك وانتي قصيده
لك دلال الشعر وغيابه وتعقيدة حجاجه=بـك تغليه وجموحـــه وابتسامته العـنيده
لك حضور النور والفجر وتفاصيل انبلاجه =واسمه ورسمه وذعذاعه وطلاّته وعيده
تذهلين الخيزران بسمح قدّك واعوجاجه= تسلبين الريم فزّاته ولفتاته وجيده
تشبهين الما ولا انتي الما ولو فيك ارتجاجه =لا تشاقى طفل يلمس صفحته باصابع ايده
لا تزمّي الورد في ثغرك ويتعكّر مزاجه=من غواية شاعر ماانتي بطفلته الوحيده
واغفري للشاعر المتلعثم ذنوب انحراجه=والله ان الجرح الاوّل لكن الطعنه جديده
شاعرك ماخاف جرحه ما يخاف الاّعلاجه =لايريد اللي يقول ولا يقول اللي يريده
ما دخل في سوق الا بعد مايعرف خراجه =والنخل ساسه تحت الاقدام وعذوقه بعيده
ما علينا كلما اشتد البلا قرب انفراجه= طعنة ماتذبح الرجال يا(نوره)تفيده
بعض ما فيني كتبته وان بقى في القلب حاجه=لك علىالخاطر كلام ولك على بالي قصيده

يا وين حِنّا وْوين وين العصافير =ما غير نتسمّى عليها اسامي
حِنّا خذَتْنا خدعة الركض والسير=نحسَب سراب ارزاقنا (سوق حامي)
والطير ولّتْها لوَجه المقادير=ترمي الجناح وْلا تحوف المرامي
دايم نطالع الاْرض .. وش عنده الغير؟=والطير تنظِر للفضا ..فرق دامي !!
كنت احلَم اصبح طير من يومي صغير= كنت افرِد ايديني واقلّد حمامي
والِـمّ من ريش الحمايم على البير=واسرق بعَضْها من وسادة منامي
سوّيت لي جنحان ما صرت انا طير=وَلا اقتنعت انسى وابدّل كلامي
مرّت ثلاثيني وانا مااعرف آطير=ولا طاب لي في الارض مرّه مقامي
ْأثره مهو بـ..الريش لـى يرفع الطير=نقا الضمير اللي يخلّيه سامي
الطير وش خلّى بَعَد وقتها بخير=ما فيه منها العسكري والحرامي

يسعد صباح الورد في وجنتينك=يا اللي حضورك في خيالي.. خيالي
ويسعد مسا هالليل في رمش عينك=يا اللي هدب عينك ليالي..ليالي
مشتاق ازور الشمس باعلى جبينك=واليا رجعت القى ظلالي .. ظلالي

يفداك عُمري والف عُمْرٍ مع العُمْر=بس اضحكي يا نور عين القصيدة
لا تسكبي دمعك على أوجانك الحُمْر=ما أحد ينال اللي تمناه بايده
هذي تصاريف الدهر لا نِوَت الاْمر=ما تخبر احد قبل تاخذ فقيده
يفداك كل البيض.. والشّقر.. والسُّمْر=والفين بسمة والف ضحكة سعيدة
وفْداك قلبٍ تحرق ضْلوعه الجَمْر=لو تحضنينه يشتعل بك وقيده
الدمع لك دَلّه تعالي خذي تَمْر=من نخلة أحزان بعيني عنيدة
يا فتنتي من يوم زيدٍ ضَرَب عُمْرو =الين صرت اركض بصدر الجريدة
باقي أحبّك ما بقى في العُمُر عُمْر=تستاهلي يا تاج راس القصيدة

حبٍ يشيّب صاحبه ما بَعَدْ شاب=وحبٍ يشيب وصاحبه في شبابه
وحبٍ يغيب وصاحبه ما بَعَدْ غاب=وحبٍ يدوم وصاحبه في غيابه
وحب يذوّب خافقٍ ما بعد ذاب=وحبٍ يداوي صاحبه من عذابه
وحبٍ يتوّب خافقٍ ما بَعَدْ تاب=وحبٍ يزيدك رغبةٍ في الكتابه
وحبٍ حياته كلّها لوم وِعْتاب=وحبٍ حقيقي ما يضرّك عتابه
وحبٍ بلا معنى وحبٍ بلا اسباب=يبدا غريب وينتهي في غرابه
وحبٍ ضعيفٍ مثل حبرٍ على كْتاب=تمحيه دمعه في ثواني كآبه
وحبٍ قويٍ مثل قصرٍ له ابواب=لو هبّ عاتيْ الريح ما اهتز بابه
وحبٍ بداية رحلته نظرة اعجاب=واخر مطافه مثل يومٍ بدا به
وحبٍ يعيش بداخل قْلوب الاحباب=وحبٍ يشيع وكل حَيٍ درى به
وحبٍ مقامه في ضلوع الصَدِر طاب=وحبٍ يعدّي مثل مرّ السحابه
وحبٍ على قبره نعق بوم وغْراب=وحبٍ تغنّى به لحون الربابه
وحبٍ بمقدارٍ وحبٍ بلا حْساب=وحبٍ بمعروفٍ وحبٍ نهابه
وحبٍ يعيش أهله وسط داره اغراب=ويموت قهر ويندفن في ترابه
وحبٍ غدا سرّه سوالف للاجناب=وحبٍ يموت وصاحبه ما حكى به
وحبٍ يشيب وصاحبه ما بَعَدْ شاب=وحبٍ يشيب صاحبه في شبابه!

اتعنّى لك ولا احسّ بعناي=ألف ميل اتصير لاجلك نص خطوه
واتهنّى معْك حتى في شقاي=كل جرح ٍ منك له في القلب نشوه
لى بغيت آجيك تسبقني خطاي=وان بغيت آروح شفت الشبر عنوه
واعتذر لك قبل ما يبدر خطاي=واشعر ان العذر حتى العذر هفوه
مستحيل انسى او اقسى يا هواي=أي نسيان ٍ حبيبي واي قسوه
وانت يا روحي بعد كل اقرباي=ما بقى للقلب غيرك انت عزوه
كن صوتك لى همست لحون ناي=أو وتر عود ٍ يقسم قبل غنوه
والوصايف بك تكمّل يا مناي=بابتسامه ساحره وعيون حلوه
من عطاه الله مثلك يا مناي=لو دفع عمره من اجل رضاك فدوه

البارحه وأنا أشتوت على النت = شتوت شتوته يا غير أبلشتني
عن رغبتي في شتوتة وحده أعلنت = وإلا مقاريد البشر حايشتني
أخترت لي منهم .. وقصدي تفننت = قلت أنت كلماتك كثير أدهشتني
(وسبرته) باسمي وعمري و(من أنت) = جاوب إجابه رايقه وأنعشتني
(لولي) (ثمنتعشر) (من القاهره) (بنت) = وفرحت أنا يوم إنها شتوتتني
كتبت: أنا معجب وأبي الرقم (أرجنت) = عيت ترد وكنها طنشتني
كررت (.Del) .. وفي براءه تمسكنت = تثيقَلَت ثم رْجَعَت ناوشتني
قالت: أبي منّك (بطاقه) إذا كنت .. = تبغى تكلمني وهي خَيّشتني
شوي كلمني ولد .. قال: لا هنت = (كن أربع سطولٍ من الما غشتني)
كتبت له أقديت يا ذيب وأحسنت = وإن شفتني مرّه على الشات شتني

جيت أطلب الفرقا وعلمي سَلامتْك=ما عاد لي في سيرة الحب طاري
ما عاد تخدعني بسحر ابتسامْتك=طلّقت لا انساها واطالب بثاري
ما جيت أبى لومك ولا ابغي ملامَتْك=أدري من المخطي وحتى انت داري
جيت أعتذِرْ لك عن خطيّة محبّتْك=واستسمحك من ذنب طول انتظاري
واخيّرك في قتل ماضي مودّتْك=والاّ تعيش برغبتي واختياري
ذلّك يعوّضني عن أيّام عِزّتْك=واقل ما في الأمر رَدّ اعتباري
أبيك تلقى ما لقيته بعشقتْك=وتلبس بدل عزّتك ذل اعتذاري
الين تنسى وجه لحظة ولادتك=والخطوه اللى جت برجلك لداري
أيّست من لذة غرامك وجَنّتْك=تعال جَرِّب حر نار احتضاري
واذا قست ناري وعيّت وصدّتْك=لك ألف ذنبٍ تشفع لْذنب ناري
هذي علوم الصدق جتْك وتعدّتك=عطني قرارك وانت هذا قراري
العلم جاك .. اللى سمعت وسلامَتْك=لا عاد يطري لك على الوصل طاري

الموضوع الأصلي: حاله خاصه......................؟؟ || الكاتب: * جمرة مطير * || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق