سجل دخولك للمنتدى ببيت شعر

ليت الغلا ياقف اذا قلت له بس
وليت الجفا لا احتجته يمر عاجل

ما كان تلقى دمعتي تنحدر دس
والضيق كنه في ضلوعي مناجل

(*قمــــرهم*)

مـاكـل مـن حبـك تعـود يداريــك
............. ولاكـل مـن يهـواك عينـك تريدة
وانـا واحـدٍ مـاتعرفه بــس يغليك
............. وده بوصلـك بــس مـاهـو بـإيـدة
غـيـر القلــم وده بصـوتــه يناجـك
............ و يـنثر لـك الأبيـات بعـذب قصيدة
حـب الوفـا طبعي وهاذي مباديك
............. و مـن حفني بالطيب طيبه نزيدة
لـي الفخر أنـك رفيقـي و أخاويك
............. و أقـــول بـاذن الله رفقه سعيـدة

ياللي تقول ان الهوى لاعبن بك
لا الصوت يوصلني ولا اقدر احاكيك

للحين احبك والاماكن تحبك
والذاكرة ما زالت تجيب طاريك

(*قمــــرهم*)

تعال ياسكر نبات العشق ياملح القصيد
غيبتك لي مـده وانـا اغنـي علـى طاروقهـا

قصيدة(ن) موالها تهتز له خضر الجريد
ترخي هماليل المـزون اللـي تلـوح بروقهـا

ماهي دراما اومسلسل تكتبه فجر السعيد
مشاعر(ن) تليق بـي وانـت وغـلاك تلوقهـا


ناديت لك وانت القريب من المحاني والبعيد
وسقت القدم والا لغيرك مستحيل اسوقهـا

ومديت لك كف الرضا والعشق والعمر الزهيد
ومدللك مثل الرجال اللي تدلـل نوقهـا

واصبحت تسري وسط شرياني وترجع فاالوريد
تقفي وتقبل وانت لي طعم الحياه وذوقها

ياراس مالي يوم مالي لاحساب ولارصيد
فالبنك والاسهـم نمـوت ولادخلنـا سوقهـا

تعال قربك عيد والبعد ضربه من حديد
يامن تشب النـار بغيابـي وانـا اطـى فوقهـا

اشعلت بردي في دفاك وذابت امواج الجليد
اللـي شواطيهـا تحـرا فيّتـك وشروقهـا

وكتبت فيك اغلى القصيـد يفيـد والا مايفيد
ابيـات لاغنيتهـا تـروق لـي واروقهـا

ارجع والاابغى لك عذر من دون شرط ودون قيد
يااول هوا نفسي وتاليهم وغاية شوقها

احايـل رفقتـك والعمـر ينقـص مايزيد
سنيـن ادوّر رفقـة اللـي رفقتـه مابوقهـا

تعال وافعل ماتبي والله يفعل مايريد
اترك كـلام اللـي علـى السيـره تبـل حلوقهـا

ليه ياضيقي تجي دايم | حنون !
عكس فرحي لاوصل كِنّه حزين ,

تمتلي بي نبض وأصرخ بك تمون ,
إيه خذني لك : ابسلى بك سنين !

ودّي أنسى في متاهاتك | ظنون ,
ودّي أرحل عن بقايا الـ عابرين !

ودّي أخلق لي فضا يمكن أكون ,
أمنية طارت ولا تدري لـ وين !

من رحل عنّي تلبّست الـ سكون ,
لا دمع ينزل سوى عبرة | تبين !

إن نسيته قصد هزّتني الـ طعون ,
وإن ذكرته كل ماحولي : يشين !

بي حقيقة وصّلتني للـ جنون ,
لين كلّي تاه ب أنفاس الـ آنين !

دايم الأوفى مقدر له : يخون ,
كل فرح ويحضن الذكرى | حنين !


(*قمــــرهم*)

الله من قلب تعذب بدنياه
والله من عين بكت من قهرها
ماينفع المجروح ترديد ويلاه
وما ينفع العاشق مساهر قمرها
لو من شكي تسمع الناس شكواه
ما لاج في نفسي عذاب دمرها
مير البلا اللي ناقل داه برداه
يشيل هم النفس ويقهرها
أزري يلاقي له شريك ببلواه
يشاركه هم العيون وسهرها

ماعليك إن طحت ياحظي ملام ..
...وان بغيت ألوم..قلي من ألوم

ضاقت الدنيا و لا عندي كلام ...
... يا هي صعبه ضيقة الشخص الكتوم

من يلوم .. ان صار باحساسه زحام
.... و السهر عيا عن احزانه يقوم

ضايع ٍ وسط الهواجس و الظلام
.... في عيونه ياااه .. يا كثر الهموم

رغم انه عااش .. من فوق الغمام
.... بس ما يطمح بما دون النجوم

حط ّ له بين البشر قدر .. ومقام
.... وين ما وجــّـه .. عزيز ٍ و امحشوم

من تنكـّـر .. صد ّعنــّـه باحترام
.... و اللي وافي .. شايله فوق الغيوم

ما نثر دمعه .. على صــدّه غراام
.... و لا وقف في سوق خلاّنه .. يسوم

لو زعل .. صد ّ و نسى كل الخصاام
.... ما يفااااارق صاحبه .. لو هو جزوم

مؤمن ان الغدر في شرعه حرااام
.... ومن غدَر به .. يبتعد عنه ْ .. و يشوم

و انت يا قلبي .. اصحــّـيك وتنام
.... ودي تصحى بس ابي تصحالي .. دووم

قلت لك لاتطمح براس النعام
.... و لا تطب ّ اليم ّ .. دامك ما تعوم

و لاتضيم الحي ّ .. و حيــّـك ما يضام
.... و ان خذوا لك حق.. لا تشكي وتلوم

العطا .. يبيــّـن على وجيه الكراااام
.... لاتظن الطيييييــب ينفع بالرخوم


(*قمــــرهم*)

مطعون.؟؟ عادي ..بدفى الأقراب داويته

تعبان.؟؟ مبطي .. ردى هالحظ خاواني

صدمة.؟؟ بسيطة .. هوان الحال مريته

مقرود.؟؟ أدري .. واذا الحرمان عداني

الجرح ارحم اذا يرجع من اغليته

مجروح.؟؟ فدوة .. ولكن صعب وحداني

تعاتبَ ..!

و الحديث أشبهَ بـَ نزع الروح .
تعاتب - و الجروح أعظم من الأسبابَ .

لك الله ..!

ما ورى ذيكَ الجروح \ جروحَ .
دخيلكَ - أسّرج الفرقىَ بدون عتابَ . .


(*قمرهم*)

عزوفك ليه ياحرفي تعال وفجر الابيات
.تفجر لعنبو جدك ترا صبري طفح كيله

خذ ايامي من اولها مع الحاضر مع اللي فات
قل الفارس كسر سيفه قل الفارس قتل خيله

طموحي !! صاااح ينخاني وانا العاجز عن الفزعات
ياكيف افزع وانا همي رسم عمري على ليله

افا ما تنفع الليله ولاتنفع بي الشرهات
خلاص ارجوك تفهمني افا ماتنفع الليله

فدى ياقلب ياقلبي نعــيش او نعتبر اموات
ولا نبكي على وقتٍ ضحك فينا مهابيله

تعبت اليووم ياحرفي تعبت اكتب من النكبات
تعبت اشره على حظٍ طفت فيه كل قناديله

تعبت او طالبك تكفى تفضل واختم الابيات
او مع اخر بيت فجرها ترى صبري طفح كيله


(*قمــــرهم*)