معركة الدعيله أسبابها وبعض أحداثها

تسلم اخوي مطلق علي السالفه ويعطيك الف عافيه اتحفتنا والله
وبيض الله وجهك

جبلان لا شافوا على الصلب لماع :::: ما يمرحون الليل من طيرة الشوع

تلقى لهم من عند أبا القد مربااع :::: ما ربعووا بعريفج الشق مقطوع


تحياااااااااااتي لك خيااااااااال الصبحااااااا

زيد بن غيام ... رحمة الله

يا فاطري يوم البداوه قوم لبدان=ترى السعد قدام مير اتبعيني
اما تسند بك على جو عرفان=ولا انحدر بك على الكمعتيني
من عقب ما حنا من العام ظفران=خرب صداقتنا علينا حصيني
امنولاَ حنا نتعزز بحمدان=واثره على الغره عدوا بطيني
يا طارش(ن) مني الى جيت حمدان=الى جيت بن ملوح ذرب اليميني
كأنه تمتى حرب علوى بالاكوان=يا في ولد ملوح مرذي السميني
قله ترانا عند خبراء دغيمان=قله ترانا دايم الطارفيني
ينصى السبوق وبلقى ابي القد مليان=ولازم تشووف العين شووف(ن) رزيني
في ماقع(ن) مابه طوارف وفرقان=والا الظبا ولا خوات القريني
اما خذاالقطعان والكيف له زان=ولا عن الصابور يرجع يميني
ولا درع نزل هايف وجفران=ولا خطير(ن) بأحدى النزلتيني

مطلق الحطاب


تسلم على الموضوع الطيب والمشرف من شخصك الكريم

... لا خلا ولا عدم وبيض الله وجهك .. لاهنت يا القرم

تم التطرق للموضوع من قبل ... الاخوة وما قصرتو جميعا

بدر الجبلي ... في الديوان الشعري للجبلان

http://aljblan.net/dewan/show.php?/ح..._(الظفير).html

فلاح الجبلي ... في نفس القسم .. بمداخلات عدة من الاخوة الكرام

http://www.aljblan.com/vb/showthread...CF%DA%ED%E1%C9



تقديري وتحياتي

اخوكــــــــــــــــــ

سلطان الجبلي

خيال الصبحا حياك الله وشرفت بمرورك الكريم --------- سلطان الجبلي انا لم اضع المشاركه بموضوع مستقل الا بعد ما اطلعت على موضوع بدر واستفسار فلاح والقصيده اللي ذكرت في بداياتها
يا فاطري يـوم البـداوه قـوم لبـدانتـرى السعـد قـدام ميـر اتبعينـي
قيل ان هذا البيت مطلع لقصيده اخرى لزيد ابن غيام مشابه لقصيده السالفه طبعا الله العالم لكن اللي ذكرته انت من الابيات غير متناسقه وفيها نوع من التخبط يمكن تكون فعلا من القصيده لكن ليست في الترتيب الصحيح واللي كتبته انا من مجريات الاحداث والابيات متاكد منها والقصيده اطول من ذلك لكن ذكرت اللي حفظوه شيبانا منها الله يجزاهم خير وفي الاخير هذه السوالف والقصائد تختلف من روايه لاخرى وللشخص سواء السامع او القاريء حريه الاختيار والاقتناع وشكرا لك وشرفني مرورك وتعقيبك

سلطان الجبلي الظاهر مافيه بالمنتدى الا فلاح الجبلي كل ماذكرو الدعيله جبت اسمي ههههههه

نعم اخوي مطلق الحطاب

الابيات هاذي قصيدة ثانيه بنفس القافيه لذالك الناس يلخبطون بينهم

يافاطري يوم العرب قوم لبدان : انا بشيرك بالسعد وتبعيني
اما نسندبك على جو عرفان : ولا نتحدربك على الكمعتيني

هاذي سالفتها ان بن غيام نوا يشد واشار على جيرانه من الجبلان يشدون معه
ولكنهم رفضوا وشد بن غيام لحاله وقال هالقصيده ؤهو شاد يخاطب بها ذلوله


ؤبعدين البدو قبل اذا بيقولون ياطارش مني يكون هاذا اول بيت بالقصيده مايكون بنص القصيده

ؤبعدين بن غيام يصف موقعهم لحمدان بن سويط بانه خبرا دغيمان
وشلون يذكر بالقصيده بانه شاد لجو عرفان والكمعتيني
هاذا تناقض بالقصيده
فلذالك هم قصيدتين مختلفتين

مطلق الحطاب


لاهنت اخي العزيز ...

القصة التي ذكرتها فعلا جميلة وننتظر منك المزيد لكن بالنسبة لما قلتة في القصيدة

السابقة .. منقولة من الديوان الشعري للجبلان .. ولم انقلها من نفسي .. اما مذكر

بان القصيدة من قصيدة ثانية اعتقد لانة غير صحيح لان القصة والقصيدة سبق ذكرها

في مصادر عديدة من روايات محليين معروفين لهم بالتحليل والدراسة ما ليس لدنيا

ولو ثبت ولو بجزء بسيط عدم التناسق او التخبط لاكنت لهم وجة نظر ولم يفتهم الامر

لكن هذة المواضيع تثري الشخص بالمعلومات القيمة عن تاريخ الجبلان ومطير لانهم

منارة شرف لنا جميعا والهدف هو الخروج بالقصيدة والقصة الصحيحة ووضعها

في الديوان الشعري للجبلان ... لحفظها .. واليكم ..

هذة القصة التي ذكرها مشرف الاقسام التاريخية الاخ خالد الرشيد

والتي تم نقلها من كتاب للباحث المميز الكبير عبدالعزيز السناح ..


إبن سويط ، وإبن وازع ، وإبن غيام


نزح جماعة من (الجبلان) إلى مضارب قبيلة (الظفير) واستقر بهم المقام بطرف حمدان بن ضويحي بن سويط ، ولما كانت المغازي على أشدها في تلك الفترة غزاه جماعة من (مطير) وتمكنوا من أخذ إحدى إبل (الظفير) ، التي كانت بجوار إبل (الجبلان) ، بغفله من أهلها ، فقد جلب ذلك السطو على الإبل الشك بأن راعي إبل (مطير) من أخذ الإبل ، وربما بوحي من أهله ، عندها بين حمدان لجيرانه ملامح الرغبة بأنها المجاورة لأنه أراد الإنتقام من (مطير) عندما يصلوا جيرانه لديارهم (الصمان) فتأكد (الجبلان) تلك الرغبة وعادوا لديارهم ، ما عدا إبن وازع الجبلي ، وتناقلت موجات الأثير بأن إبن ضويحي يسأل عن مكان جيرانه ، فقد أرسل (زيد بن غيام) هذه القصيدة الآتية إلى حمدان يخبره على وجه التحديد بالمكان الذي يستقر به وجماعته..

يا فاطري يوم البدوا قـوم لبـدان=أنـا بشيـرك بالفـرح وأتبعينـي
أما نسند بك علـى جـو عرفـان=وإلا نتحدر بـك علـى الكمعتينـي
من عقب ما حنا من العام جيـران=خـرب صداقتنـا علينـا حصينـي
أمنـول(ن) حنـا نتعـزز بحمـدان=وأثره على الغرة عـدو(ن) بطينـي
يا طارش مني إلى جيـت حمـدان=إلى جيت إبن ملوح ذرب اليمينـي
كأنه تمنا حرب علـوى بالأكـوان=يا في ولد ملوح هيـف السمينـي
ينصى السبوق ويلقى أبي القد مليان=ولازم تشوف العين شوف رزينـي
في ماقع(ن) ما به طوارف وفرقان=إلا الضبـأ وإلا خـوات القريـنـي
أما درع في نزل هايف وجفران(1)=وإلا خطيرن بإحـدى النزلتينـي(2)
أما على الفيصل مشيبت الأذهـان=وإلا المحمـد ميتميـن الجنيـنـي
وليا بغانـا يـم خبـراء دغيمـان=قلـه ترانـا دايــم الطارفيـنـي
أما خذا القطعان والكيـف لـه زان=وإلا عن الصابـور يرجـع يمينـي

[color=#4169E1](1)

الفغمة .
(2) الفيصل والمحمد من الدوشان .
وعند عودة إبن سويط من المغزى ، طلب إحضار الشاعر حمد بن وازع الجبلي إلى مجلس إبن سويط ، قال له إبن سويط : ماذا قلت في غزوتنا يا إبن وازع ، وأنت تراك في وجهي؟
فأنشد الأبيات التالية :[/

color]

علم لفاني شوش الراس تشويـش=ربع بقلبي عقب ما هـو سنـاوي
يوم السويط استفزعوا بأهل الهيش=لموا بني خالـد وكـل الشـواوي
راحوا يدقـون الغبـا والنشانيـش=يبـا يجيبـون الغنـم والقهـاوي
جوهم بني عمي بعلـط ومراييـش=حاموا عليهـم معطبيـن الأهـاوي
حالوا على الصابور والخيل والجيش=واعذر من الشيخة كبير العـزاوي

فقال إبن سويط ما قلت إلا الصحيح الله ياخذك ، وبقى إبن وازع معززاً مكرماً عند إبن سويط وقبيلته الظفير ، حتى عاد برغبته إلى قومه.

وأتمنى أن أكون قد أوفيت ووفيت بالقصة كما كتبها الأخ الأستاذ / عبدالعزيز السناح.
اخوكم / خالد الرشيد

وقد اضاف للاخ ..... خالد الرشيد ... الاخ المطيري الجبلي

حيث قال ........

السلام عليكم ورحمة الله وبركاته

يعطيك العافيه اخوي خالد

حبيت اضيف ماسمعته عن هاذه الوقعه

بعد سماع ابن سويط لقصيدة ابن غيام عندما اخبره بانه ينتضره عند خبرى دغيمان

قرر ابن سويط غزو ابن غيام عند خبرة دغيمان

فارسل ابن سويط سبر ( جواسيس ) ليعرفوا اماكن تواجد الابل واستعدادات الجبلان

وعندما رجع السبر ساله ابن سويط وش لقيت

قال السبر لقيتلي ورع يلعب على مهره

قال بن سويط فكك الله من الورع لايذبحك

والورع المقصود هوا الفارس غنيم بن شبلان حيث كان يعسف مهرته

لان من اوصاف غنيم بن شبلان انه كان قصير القامه وملامحه ملامح طفل ومن يراه يضنه صغيرا

فهجم ابن سويط على انياق ابن غيام ذروه واخذها

وقتل اثنين من الخرابطه وقتل فرس ابن غيام كي لايلحق بهم

وكان الفارس محمد ابو شيبه والفارس غنيم بن شبلان توهم شادين

وعندما سمعوا بصوت اطلاق النار اتوا مسرعين فوجدوا ابن غيام عند فرسه المقتوله

فاخبرهم ابن غيام بان ابن سويط اخذ الابل

فلحق محمد ابو شيبه وغنيم بن شبلان ومعهم قليل من الجبلان ابن سويط

واستطاعوا سترجاع الابل منه

فمان الله ..... اخوكم المطيري الجبلي

تم نقل الاتي للخروج بروية واحدة عن معركة الدعيلة اخواني الاعزاء ....

والملاحظ انة لا يوجد اختلاف الرواية واحدة الاختلاف فقط في بعض التفاصيل

الصغيرة لتناقل الخبر من شخص الى شخص.. و كما شاهدتم بالقصيدة في الديوان

الشعري للجبلان ورواية عبدالعزيز السناح يوجد اختلاف بسيط جدا بكلمة او كلمتين

لكن القصيدة سليمة كما اكدها الاخ الباحث السناح والباحث اليوسف والباحث منديل

الفهيد ..... وغيرهم ..... وذكرت في العديد من المصارد ...

احببت التوضيح اخواني الاعزاء فقط ولكم فائق محبتي واحترامي ...

تقديري وتحياتي

اخوكــــــــــــــ م

سلطان الجبلي

اخوي سلطان عندي تعديل بسيط لايؤثر على القصه

عقاب ابن شبلان ابن الفارس غنيم هو اللي بالدعيله ومعه ايضا الشيخ فيصل ابن

شبلان وذبحوا الظفير سبع من الخيل تحت عقاب

وسلامتك يالغالي

بالدعيله يوم جيتم باحتمالي... يوم فعل عقاب هو والغيهبيه
ساتر ابن خويط من شلفاه مالي.. يالطيور اللي نخالبها قويه

جزاك الله خير ياخوي مطلق على ايراد القصه والفعل الكريم

تقبل مروري...

تسلم اخوي مطلق علي الموضوع والله يعطيك الف العافيه وبيض الله وجهك

ربعي الجبلان متيهت حمر الأشعاف :::: ترعا الخطر وسيوفهم حاميتها

كم فارس من ضربهم شاف معاف :::: أقفا ذليل وسابقه ما عفتها


تحياااااااااااتي لك

for_305

شكراً للجميع على التعقيب لا خلا ولا عدم ... ودمتم بأطيب حال إن شاء الله