لكل الشعار في منتدى الجبلان ارجو ان تتفضلوا .....

لكل الشعار في منتدى الجبلان ارجو ان تتفضلوا .....

السلام عليكم ورحمة الله وبركاته ....

عندي محاوله شعريه بسيطه كتبتها ابي من الكل يكمل البيت الاخير لاني بصراحه عجزت اكمله واتمنى كل شاعر يساعدني واكون شاكره له كثير الشكر ... يعني اي شخص يدخل الصفحه يقترح البيت المناسب بنظره لتكتمل معنى الابيات ..

وهذي هي الابيات المتواضعه جدا جدا ...

ودي اسافر وين لا تسألوني = بعيد عن اللي جرحوا وعذبوني
الله يسامحهم على ما جنوا بي = ؟؟؟؟؟؟؟؟؟؟؟؟؟؟؟؟؟؟؟؟؟

منتظرتكم يالأجواد ...

الموضوع الأصلي: لكل الشعار في منتدى الجبلان ارجو ان تتفضلوا ..... || الكاتب: اخت القمر || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

اختي اخت القمر البيتين كلها يبي لهم تضبيط

شنو هذوك اتمنى التعديل فالبيتين وابشري باللي بيساعدك

تقبلي مروري

اوكي تم التعديل و شاكره انتقادك لان هالشي يدفعني للأمام وانشاءلله البيت الحين احسن من قبل ... وناطرة انتقادك .. وبيتك ...


شكرا لصبرك ...

السلام عليكم



يعطيك العافيه اخت القمر



اولا .. بما الاغلبيه هنا في بداية الطريق

لاعيب في الاخطاء

ولكن يجب ان نعرف الخطا الموجود لتفاديه فالمرات المقبله



اولا اوخيتي



انتي كتبتي القصيده على بحر المسحوب


مع الثقل الموجود فيه



والاخطاء اللتي عندك


انك ترييدين تكتبين على هالبحر في الصدر المهمل


والصدر هو الشطر الاول

والمسحوب ... لايجوز فيه تهميل الصدر لأنه من اساسيات البحر




فا اذا ... نكتب الشطر الرابع او الثاني فالبيت الثاني


ولكن عند تعديلك للقاف فالاول

فأن اخترتي قافك سوف نساعدك باللي نقدر عليه



وتابعي مسيرتك .. فأن لك شأن مشرق



لك المحبه


المحب

(الصدر)ودي اسافر وين لا تسألونـي
.............................(العجز)بعيد عن اللي جرحوا وعذبوني
(الصدر)الله يسامحهم على ما جنوا بي

الاخت اخت القمر الاخوان ماقصروو وفيهم الخير.
بس اختصارالصدرين بالقصيده موزونه والعجز فيه ثقل وعدم سلاسه بالنطق ممايؤدي لكسر البيت.
وبما انك استطعتي الكتابه على هذا البحر (المسحوب) بشي موزون فإني اثق بأن لديك القدره للتعديل(وأهم نقطه بالقصيده الوووووووووووووووووووزن)
.................................................. .
نرجع لنقطة القافيه
لاحظي معي ان الصدرين قافيتهم مختلفه عذابي وجنوبي (ني.بي).
وعندك تشابه بقافية صدر الاول وعجزه..
.................................................. ................
ااعتذر لأخواني اللي سبقوني بالتعليق بس حاولت اختصر بوضوح بقدر المستطاع
ونحن بنتظار تعديلك للإطلاع.

أختي أخت القمر كما قال الاخ جاسم

انتي كتبتي عالمسحوب والمسحوب

لايجوز فيه ان يكون الصدر مسحوب

اتمنى التعديل


اخوك جزاع بن كويعب

شكرااااا لكم جميعا اخواني الصراحه انا ماني شاعره ابد وانا قلهتا من اول ولكن احب الشعر و كنت اعتقد الشعر هو تعبير عن احاسيس ومشاعر و لكن طلع اكبر من جذي وله قوانين واحكام انا كنت قافله عنها وللامانه هذي محاوله مثل ماقلت متواضعه جدا عشان جذي و حبيت انكم تساعدوني وطلع كل واحد اطيب من الثاني وبالفعل انكم اجاويد وعلى عيني وراسي يا عيال العم و الله انكم كبرتوا بعيني ..

والبيت اللي فوق والله انه طلع جذي لا ارادي و حاولت اصلح لكن هذي قدرتي و ما اقدر اعدل فيه خلاص خلوه جذي <<<< صار فيها احباط ..

مشكورين مرة ثانيه وخلاص لا تتعبون نفسكم انا فعلا اسفه من القلب اني ضيعة وقتكم و مشكورين لطيبكم معاي وهذا ان دل يدل على طيب اصلكم ... مشكورين مرة ثانيه وسامحوني ... اخواني جزاع .. جاسم .. بعيد ...

اختكم اخت القمر

أخت القمر يعطيج العافيه ..

وأنا أشارك أخـــوي ,,

جـاسم المطيري في نفس

الــرأي ,,

وشاكرلج وتقبلي مروري يالغلا

افا ياخت القمر


انتي من بنااتنا

ونحن دائما نريد الصالح لك



اولا كتاباتك ... وان كانت فالبدايه تدل على شي كبير


لأنك استطعتي ان تكتبي على بحر معين


وهذه اشاره على موهبتك



ثانيا


بأستطاعتي واستطاعت الاخوان تعديل البيوت المراد تكوينها

ولكن لو قدمت على تعديلها

يجب ان اغير القااف

وان غيرت القااف ... دخلت لشيئ ... وهو تصليح هادم


لأني اكتب وليس اصلح


ثاالثا


انا يعجبني تتبعك

وصدقيني انتي لم توالفي قاف الصدر مع العجز فالبيت الاول عبث


بل اتخذتي وسيله

مثل


انا داري وداري وانت داري /// عن اظروفي وظرفي واعتذاري

ومن ثم يهمل الصدر ويقول

ولكن التغلي فيك عاده // وانا مليت من طول انتظاري



ونظرا لهالحكم

فأنه تطبيق عملية اهمال الصدر تكون بشروط معينه

مثل ماذكرت في بداية البيت

ومثل ماكتبتي في بيتك الاول


ولكن من اساسيات الشروط .... بحور معينه


وبحر المسحوب لايتوافق مع المهمل



وهنا نحن جميعا نتعلم .. ونفيد ونستفيد

ولا يوجد احباط .. ان ذكر بيت فيه خلل ... بل خطأ ويجب تداركه


وصدقيني يالعزوه


لو نصلح لك البيوت


ماراح تستفييدين شي

يمكن البيوت تعجبك او تعجب غيرك

او تكون في الصياغه السليمه


ولكن لن تتداركي الخطأ مره اخرى


وبما اننا نبهناك هنا


فا صدقييني ماراح تكررين الخطأ


تعلمين لمااذا .. ؟؟

لأننا لم نعدل البيوت ونسينا الفائده



فا اتمنى لك الفاائده دوما

مني ومن غيري


عسى ان تكوني راضيه علينا


وحنا مانبي غير الرضى


وبياض الوجه قدام العزااوي




لك المحبه



المحب

اخوي مرمح شاكرة وجودك .... كن دائما هكذا ..

اخوي جاسم مرورك مرة اخرى قسم بالله خلاك كبير بعيني ياخوي وهذا ان دل يدل على حبك لمساعدة خوانك ووجهك ابيض وما قصرت ...

واولا ...

انا مو شاااعرة حتى ما وصلت مرحلة شويعره قسم بالله البيت اللي فوق جااا جذي لا ارادي و كنت افكر انه شعر لكن من ردودكم وانتقاداتكم البناءة دلت على ان ما كتبته ليس اكثر من خربشات ... و خواطر ...

ثانيا ..

اكتسبت معلومه جديدة عن البحووور ...


ثالثا ..

<<<<<<طلعت ماتعرف عن البحور شي دجه هذي البنيه ..

وادري ياخوي جاسم ان اذا عدلتوها ماراح استفيد وانا ما اطلبكم ابد تعدلونها لكن والله مدري ليش البيت علق معاي تقول كأن مخي وقف استغفرالله ..

لكن هذي محاوله لاتعتبر انها الاخيرة فلا يأس مع الحياه ولا حياة مع اليأس ...

قريبا سوف اخذ رايكم بمحاولة جديده ... <<< ياويلكم تبي تغثكم ....ههههه


و اخيرا اكرر لك شكري من اعماقي لمساعدتك لي لكي ارتقي و شكرا لمجاملتك ....

كن بخير دائما ....