يا ما حلى الفنجان بحضور الأصحاب

يا ما حلى الفنجان بحضور الأصحاب

الشيخ الشاعر / محمد بن زيد الفغم

يا ما حلى الفنجان بحضور الأصحاب = في مجلس والكل شره على الطيـب
في مجلس ما به تفاريـق وأحـزاب = هذا ولد عمك وهـذا لـك اصحيـب
ربع ليامنه غشى الزمـل ضبضـاب = قطاعة الفرجه على الفطـر الشيـب
ضياغـم لامـن بـدا حـزم كـلاب = مركاضهم يشبع به الطيـر والذيـب
لا حولوا لعيـون وضـاح الأنيـاب = الكـل منهـم وافـيـاً بالتجـاريـب
ما حسِّبوا لمصرف القـول بحسـاب = اللـي مراجلهـم بشـذب العراقيـب
يتلون أبوهايـف ليـا كلّـح النـاب = هـو درعنـا لا غيّصـن الكلاليـب
لنـا كمـا عنتـر وأبازيـد وذيـاب = نبـا نماريبـه جميـع الأجانـيـب
وشيخ بلا عانه ترى مالـه حسـاب = وقـوم بليـا شيـخ فيهـم عذاريـب
والبيت ما ينفع بلا أوتـاد واطنـاب = ولا يقضب المحـزم بليـا مقاضـب
يا هن يا اللي توصل العلـم بكتـاب = اذكر سلامي عند هـاك الأصاحيـب
لطامة العايل ليا مـا الـردي هـاب = ما هم من اللي هوشهـم بالمغاريـب
يا لايمـي لعـل ترمـى بالأسبـاب = ترميك خطـلان العيـال المعاطيـب
من لامني في حبهم جعلـه إيصـاب = في حب ربـع ينطحـون المواجيـب
لا حولوا بنحـور دقـلات الأجنـاب = توادعوا مـا عـاد عنهـا تجانيـب
تحاولوا فـي سهلـة ماحـدٍ غـاب = والمنع يرفـع ماحـدٍ لـه مطاليـب
والشيخ طاح وعديَّة عنـه الاقـراب = وقامت ترادي سابقه عقب ما صيـب
من أيمان ربعي طاح فكاك الأنشـاب = فكاك بالضيقـات زمـل الرعابيـب
صاحوا عليهم لابتي والسعـد طـاب = احد ذبيـح ومنهـم احـد مصاويـب
هذا وصلى الله على سيـد الأحبـاب = على النبي ما خط حـرف المكاتيـب

الموضوع الأصلي: يا ما حلى الفنجان بحضور الأصحاب || الكاتب: الفغم || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

تعليقاتكم البناءه هي طريقنا لتقديم خدمات افضل فلا تبخل علينا بتعليق

والله ومليون نعم بمحمد زيد الفغم

ونعم بعياله

الفغم طاب منقولك

وبيض الله وجهك يالغالي


صح لسان الوالد


تقبل تحياتي


الملعبي

يا لايمي لعل ترمى بالأسباب
ترميك خطلان العيال المعاطيب
من لامني في حبهم جعله إيصاب
في حب ربع ينطحون المواجيب



والنعم بالصهبه وبالفغم

وصح الله السان الشاعر
وطبت يالفغم وطاب منقولك

صح السان شاعر ولد الفغم


ويسلمو ع نقلك أخٍُوٍُيٍٍُ

سلمت يمينك على النقل وصح لسان قايلها.
الفغم .: شخص فرض حبه على قلوبنا,

ننتظر مشاركاتك الجديدة بكل شوووق.

صح لساان الشاعر محمد الفغم

وطبت وطــااب منقولك اخـووي الفغم

الله الله

صح الله لسااان محمد الفغم

وسلمت يمناااااااك ياااخوي

تحياااااااااااااااااتي

عذاري المطيري

اشكر الجميع على مشاركه الطيبه
والله يكثر من امثالكم تحياتي للجمييييييييع