سجل دخولك للمنتدى ببيت شعر

ضايق صدر ..’
وهمومي تنشف الريق
شوف لهمومي
لو
تكرمت صرفه ’..

مافيه داآعًي كل ماجيتك[ تضيق] ..!
تكفى اعتبرني واحد ماًتعرفه ..!

(*قمــــرهم*)

من قآل لكـ في مجتمعنآ مسآواة
.... لآ يقنعكـ ., ولآ تصدّق كلآمه !

آلرجل إذا آخطىَ نسينآ خطآياه
.... و آلبنت إذا آخطت " تقوم القيآمه !

(*قمــــرهم*)

الجرح خلّه لاجل الايام ذكرى
......... بس لاتجي في يوم وتقول نادم .."

خابرك تفهم بالأحاسيس وادرى
......... يوم ٍ[ أخلّي القلب] لرضاك خادم .."

يوم ٍ أجي ملهوف وتقول بكرى
......... وبكرى أخاف الموت يابن الأوادم .."

(*قمــــرهم*)

يا قلب {.. فضفض على الأوراق واكتب له
أبيات ,, يمكن يجي صدفه.. ويقراها

انزف من إحساسك {الصادق } ورتب له
فوضى مشاعر .. محبه .. ضاع معناها

سيّل حروف الوله والشوق واسكب له
من دلتك ,, لين.. عينه .. ينتثر ماها


(*قمــــرهم*)

انساك لحظه واذكرك باقي العام

حتى وانا ناسي نسيت وذكرتك

يامنتدى قلي عن احوال الاصحاب؟؟
اللي اجتمعنا فيك وصرنا مواليف

على النقاء يامنتدى اخوان واحباب
نسمر ليالي الود مزح وسوالـــيف

من بعدهم يامنتدى القلب منصــاب
اصبح ربيع القلب من بعدهم ريف

يامنتدى تحيتي لك والاعــــــجاب
للحاضرين اليوم واللي لهم طيف!!


(*قمــــرهم*)

عجبتني قصيده للشاعر : صالح الريس

يقول


ياعمر صيتك رايحٍ من ورا الشام
واللي ورا صنعاء وكل الجزيـره
مطير مايمشون حافيـن الأقـدام
شجعان لاغـارة عليهـم مغيـره
لامنهم قالوا تـرى الـدرب قـدام
عن ضدهم ما يذخرون الذخيـره
الى أعتزوا بجدادهم هم والأعمـام
صارت كبيرتهم عليهـم صغيـره
مركاضهم يشبع به الطير لاحـام
من ضدهم تروى السيوف الشطيره
من قبل ما يكتب لنا الميم والـلام
حنا نعرف مطير في كـل ديـره
تاريخهم يشهد له السـام والحـام
من قبل ما تضفي علينا البصيـره
أفعالهم جت بالجرايـد والأعـلام
غصبٍ على كل الوجيه الشريـره
معهم لنا ربع عزيزيـن وحشـام
جبلان لاصـاح النذيـر لنذيـره
متخيرينٍ قسمهـم يـوم الأقسـام
ما يشحذون الناس يـوم الكسيـره
قوم الدويش اللي للأضـداد لطـام
ما منهم اللـي مايجـي يستشيـره
وصلوا على اللي قاد الأمه لاسلام
اللـي بيـوم حسابنـا نستجيـره



وسلامتكم

- على الرجا مازلت ... صابر / وناطر ..
... غيرك فلا حرّك كُبر شعرة ٍ فـِيْ ....!!
الحال مِن عقبك (على منت خابر)
.. الوضع - هو الوضع / ماغيّره شـَيْ...!!
تزعل / تروح / تصد /ترحل /تسافر !! ...
. محبتك ، فـالقلب- تبقى كمـا هِـيْ ...


(*قمــــرهم*)

انتى وصلتي مرحله مالهـا حـل .. اتفه سبب لا من حصل لك زعلتي

انكان قلبك من تعب عالمـي مـل .. محد جبرك انتى بكيفـك دخلتـي

إن حكوا فيني بوجهي او حكوا بي من وراي
مالقوا غير البياض اللي قهر سود الظنون


هيبتي حتى فغيابي تحشم النفس بقفاي
والله اني مرعبتهم يزعلون ويقعدون!


نبشوا مامن خطيه بس انا ادرى بخطاي
عيبي اني ماعرفت اساير الغير واخون!


عيبي اني ما أمن ولا أذل أحد بعطاي
وعيبهم ان الذيابه تعجز تدك الحصون


برجي العاجي بنيته بالشرف حتى هواي
لو بحب احب لكن ماازل ولااهون


مايدير الراس مدح ولا رقصت لكل ناي
الثقل ماهو تطبع طبع والكل يشهدون


لاذكرت ابوي وامي وعالم الجهر وخفاي
هانت الدنيا بعيني لانعيم , ويحزنون


وش ابي بالكون كله باكر بيقرا عزاي
اما في وسط الجريده ولا في دمع العيون


إي وربي ماشقيت بضيقتي لكن شقاي
لانزلت فقبري اول ليلةٍ وش يكون !


(*قمــــرهم*)