سجل دخولك للمنتدى ببيت شعر

يا وش بقى بعطيك مني ولا جاك= ما باقي إ;لا روحي أحيا بها لك
يا الغايب الحاضر بقلبي ولا ألقاك= أقرب من عروقي وصعب منالك
شالك زماني عن عيوني ووداك= لا شك وثق في ضلوعي حبالك
يا حاجب الشمس ورى ليل جفواك= ما بالعهد بك قاسي في دلالك
وش غيرك يا منوت القلب وأطغاك= على حبيب ما تخير بدالك
دنياي ما تصلح بلا شمس دنياك= والليل يوحش لو تغيب هلالك
ما ينقطع ظمي الهوى إ;لا على ماك= ولا يهون حره إ;لا ظلالك
ولا تشوف العين زين بلياك= ولا يطرب سمعي إ;لا مجالك
ولا انتفض قلبي من الحب لولاك= ولولاك ما يبدي علي ما بدالك

كبر الخطا ماكل عذر يغطية ** مثل التعازي ما ترد المصيبة

يعني ابد ماجيت مره على البال
وانتى على بالي ابد يوم ماغبت
ماتدري ان الشوق جاير وقتال
ماتدري اني شاب وبسبتك شبت
ماقلت لك كانك على البعد تحتال
قلي تراني من زماني تعذبت
ان كان قصدك تمتحني وتختال
مافيه داعي ينفجر داخلي كبت
تدري احبك حيل في كل الاحوال
لوتبت عن كل البشر عنك ماتبت
صار الغلا مركب وله رمشك الجال
اشلمت لعيونك ولاعنك اجنبت
والله لو تدري حبيبي عن الحال
ماكان لحظه عن عيوني تغربت

الجادل اللي يمر القلـب شارعهـا
بيـن الحنايـا تعـدى ماتطالعنـي

تسري مع الدم بعروقي واتابعهـا
وأحس كنها على نفسي تودعنـي

قامت تبعثر غلا وأن جيت اجمعها
أظمها وآتشتـت ليـن تجمعنـي

بين الحنايا تثنـى فـي مرابعهـا
كْنها تقول آتحـدى مـن يطلعنـي

دام الحشـا بيتهـا وأنـا مدلعهـا
وش دخل القلب يزعل يوم توجعني

رجلٍ .. تعزه بعد ماتلتقـي .. فيـه
ورجلٍ .. قبل ما تلتقي به.. تعـزه

ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه
ورجل ٍ .. يجي طاريه في كل حـزه

ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه
ورجلٍ .. كلام اعداه .. مايستفـزه

ورجلٍ .. تلزه يعترف لك .. بخافيه
ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيه
ورجلٍ .. يزعّل من يحاول ، يـوزه

ورجلٍ .. تكزه لا زم انك .. توصيه
ورجلٍ .. بليّا ما توصيـه .. كـزه

انت صمتك عسل وشلون لا ذاب صوتك
اشربتـه المسـامـع واحتـوتـه المشـاعـر

بـس تكفـى لاتذبحـنـي ويكـثـر سكـوتـك
مادريـت ان عشـق الاذن قـبـل النـواظـر

قل له اني ما أبي الا رضاه وبإختصار

و قل له يركز على قراية البيت الأخير

الكبير تجي جـروحه من أحبابه كبار

ليت ربي ما خلقني بأحساسي كبير


.:.

اللي نعيشه حلـم عكـس الحقيقـة
والوضع مزري والدماثة بالأخـلاق
ودك صديـقٍ مايـقـدر صديـقـة
يمسي على فنقر ويصبح على طراق

في داخلي شي ٍ عن الناس مستور
حرك سكون القلب .. والقلب لباه

شي ٍ غريب من اغرب انواع الشعور
عجزت ادور وش هو سره ومعناه

مدري غلا .. ولا حزن .. ولا سرور
مدري بداية فرح .. ولا معاناه !!!

القلب يصبر علـى فرقـاه .. لكنّـه:
ألا طرالي وانـا فـي الليـل سرانـي
إن كنت أنا غاليٍ في ناظره .. فإنّـه:
غلاه يجري مع دمـي .. وشريانـي
لاصار مابه عشم لبليس فـي الجنّـه
أحسن ليّ اعيش باقي العمر وحدانـي
ولو سج مني .. عساني ماخلـى منّـه
والله مانساه .. كود الموت ينساني ؟؟!!