سجل دخولك للمنتدى ببيت شعر

[ وجودي والعـدم واحد ] . . صحيـح . . وأدري ..!!=وأدري بعـد . . غيابي ما يفـرق أبـد . .
حتى انا تـرى . . ما يهمني أمـري=دنيـاي صـارت كلهـا . . ( حـزن ونكـد ) ..
بـس || يكفينـي || . . اني لا نويـت أسـري=" مرتاح " . . دام بعـادي ما يجرح أحـد .

صـ ب ـاح الخـير


أخت القمر .. وجودك في هذي الذائقه متميز دائمآ .. لاخلا ولاعدم

لو كان حظي مدرك كل الادراك=ماكان في بعض المسائل غلطنا

لا هنتو .. جميعا

ماجيت حتى تعلمني وش هي اطباعي=او تشرح ابعاد حلمن طال تفسيره
جيتك من اقصاي لا غافي ولا واعي=اشيل حمل الزمان بشره وخيره
جيتك وكلي امل لو تفهم اوضاعي=يرضيك نخسر بعضنا سبة الغيره

أفطن لوقتك لوبدالك بصافيه=الوقت مايرحم ولاهوب يأوي.
راعي الردى ياصاح بالك تخاويه=من رفقته لازم تشوف البلاوي.
عليك باللي يرفع الراس طاريه=وإن ماحصل ماهوضروري تخاوي

لا هنتو

مساكم الله بالرضا

الـعين تنـظر للجـمـال وتـنـقـله=للقلب ويا ويـل الذي قـلبـه ضعيف
حرارته تزداد مع زود الولـه=لين المحاجـر دمعـها يذرف ذريف
ترى دموع العين ماهي مشكله=لـكـن دمع الـقـلب يا عـالم نـزيـف

لا هنت يا بكيفي وصح لسانك

يا رفيق القلب ما صدق
نسيت
خابرك مهما تعذبني
حنون
لاذكرت ايامك الحلوه
بكيت
ماتهون ايام ودك
ماتهون
راحتي وياك لامنك
صفيت
في ثواني كلها بوح
وشجون
لاقريت هذي ارساله
وانتهيت
ودي اعرف في حياتك
من اكـــــون؟؟

ياكثر شرهاتي عليـك انـت بالـذات=والا علـى غيـرك تراهـا قليـلـه
تعبت اجي بسكـات واروح بسكـات=ساكـت وانـا متنـي حمولـه ثقيلـه
مرات احـس انـي لحالـي ومـرات=احـس مسنـود ٍ بجـيـش وقبيـلـه
عشت بمتاهه غيـر كـل المتاهـات=كانـت مفيـده بـس ماهـي جميلـه
عرفت منها كيـف طعـم الخيانـات=وشلـون ترخصـك النفـوس الذليلـه

المشاركة الأصلية كتبت بواسطة سعود بن لامي

صـ ب ـاح الخـير


أخت القمر .. وجودك في هذي الذائقه متميز دائمآ .. لاخلا ولاعدم

لو كان حظي مدرك كل الادراك=ماكان في بعض المسائل غلطنا

اخوي سعود مشكور ... لاهنت ..

عودت قلبي لا حمل هم او ضاق=ارمي ... ولا اسال عن اللي جرا لي
وعودت نفسي للمتاهات ما انساق=ولا اسيل دمع عيني واعاني
وخل الحياة تروح والعمر ارزاق=يمكن مع الايام يضحك زماني

اهداء .. خاااااص...

ماهو زعل لكن مشاريهي كبار= والنفس شرهتها على من شروها

هاض الخفوق وداعب الفكر نسناس "!!"=والقلب شوقه للنشاما يجره "!!"
يبقا غلاك معلقآ بين الانفاس "!!"=غلاك يبقا في خفوقي مقره "!!"
وإن صار في دنياك ضيقه وهوجاس "!!"=أنا معك في خير وقتك وشره "!!"